,,بياع السبابيط ,,

موضوع: ,,بياع السبابيط ,, 2010-11-25, 17:56

اليوم نحكي لكم حكايه
مليانه بالمتفجرات والشظايا

شظايه دفنقيّه
واتجيبلك للحياة النيّه

قصّتنا عن عيّل اسمه سامي
من هو صغير يحلم يقعد محامي
ههههه تلو هظا راهن تحققن احلامي

كبر سامي وحلمه لم يتحقق
وعلي بخته العطيب تنقّق

ولم ينفع في قرايته
ومن عمل لعمل ايجر في شلايكه

حتي تحصّل علي عمل
ايمشّي فيه خير من الملل

محل سبابيط وشخاشير
وصحاب المحل ما ايحبّش التأخير
ومفيهش تعب المحل صغير

فباشر سامي في العمله الجديد
وقدد في المحل تقديد

من الصبح لعند ما ايليّل الليل
جو شركة البريقه جماعه الشّيل

سامي طلع طاهق ازياده عاللزوم
وفي نهاية الشهر علي مرتبه ايحوم

ميه جنيه في الشهر
مرتب راعي سعي في البر

لكن سامي يخدم باخلاص ونيّه
وما يتعبش وما يرقدش في العشيّه

كان ايعامل في الصبابيط كيف اعياله
ويمسح فيهم منياله

مفهش ولا فتفوتة اغبار
ويلمّع فيهن ليل ونهار

ومن حبّه لهن سمّاهن اسامي
وليد وحسن وبو اصبع ورامي\
سعيد وفريد وخليفه وتهامي
عاشت الاسامي يا خونا سامي

وفي يوم من ايام
سامي علق الدوام

من الصبح للصبح
من غير لا فلوس لاربح

ومع تأخر الوقت
و الكل همد وسكت

والمحل ساكن وامظلّم
وسامي للنوم امسّلم
فجأه
ومن دون سابق اندار
سمع صوت واحد ايتألّم

سامي وعا من فراشه مفجوع
ومن خوفه من الصوت قعد مصروع

وقال ياساتر شنو هالصوت
مش جو جنونه,, خايف انموت

و الصوت بدا ايزيد
صوت واحد متألّم اكيد

طلعوووني
انقدوونيي

!!!!!!!!!!!
فاقترب سامي من حهة الصوت بشجاعه
ونوّر لنفسه الظلمة بالولاّعه

حتي وجد مصدر الصوط
انه صباط تحت الصناديق محطوط

فانشله سامي من الضيق
وشاله فوق الصناديق

فشكره الصبّاط : شكرا سامي
لك محبّتي واحترامي

وفرحت الصبابيط بهي
وبدأت تتغنّي بهي

وعينوه ملك الصبابيط
ومعاملته لهم باحترام من دون تمشليط

وشعار سامي في الحياه
جو الصبابيط يا محلاه
يا هكي معيشه يا بلا

وبقي للصبابيط شأن كبير
ويحترم فيهم الصغير والكبير

ومعش حد تمي ايعفس عليهن
والكل علي راسه ايشيل فيهن

سامي توا قاعد في النفسيّه
عنده انفصام في الشخصيّه

وتوته توته
قصّتنا فيها عبره ومهيش شلتوته

شبابنا معش ينفعوا وطرشقوا
ومن حياتنا وحياتهم طربقوا

شباب زي الورود
وعقلهم منهم مأخود
يشفينا ويشفيهم رب الوجود
الحي الاحد المعبود

واتشااو يا خوتنا