مراد , مرادهُ ,, الجزء الثالث

موضوع: مراد , مرادهُ ,, الجزء الثالث 2010-11-15, 23:43

البداية 3 :

طلع الخدّام
مراد : توين المدام ؟؟
الخدّام : المدام ما تبي تجي , سلاام (مع تسكيرة باب ) وجو مراد مش تمام
مراد : توا انورّيك يا عبد يا ولد الحرام

وفجأه انفتح الباب من جديد
مراد لمح حاجه تلمع من بعيد

ولما قربت , طلعله واحد اصلع
وصلعته من بعيد تلمع

وقال لمراد بصوت غلييظ
صوته عالي وبغيض

انت يللي خبطت العزوز
تأنت يللي كيفك من امبدري ملزوز
مراد وهو مهزوز

قال في سرّه والله ماني يائس مالموضوع
اكيد العيّل هظا من جوّا دلّوع

وقالّه : انا جاي انتأسّف لأمّك
ونبيك اتردلي البطاقه وحق خفّة دمّك

الاصلع : تحساب روحك جاي لمن
تأنا حنورّيك انا من

بطاقتك حتلقاها في المديريّه
ومكتوبه فيك تقارير امنيّه
وتوّا ناورّيك مرجلتك علي وليّه

ورقم طارقتك عندي وسيّارتك راحت فيها
وحياتك معش حنخلّيها

مراد : يارا انا غلطان ومنّك السماح
راني انا واحد طيّب وخصايلي اسماح

و فجأه !!! طلعت الام وركبت هزيبه في مراد
: انت امبدري قتلي كلام سو باآآد
وهيّا اعترف بيه وفكني من الكذب والعناآد

مراد بكل ادب وبراده: اناآآ !!آ

تأنا معمري مقلت كلمة حيوان
بس في الحادث نعترف انّي غلطان
وانا آسف يا ماما راني انسان *_*

ولجأ الي الحل الاخير
حل و يـذاآوت ضمير

تنزيل دموع التماسيح: وقال : سامحيني يا أمي يللي كيف امّي

معقوله واحد ايسب امّه
تهذي في الحياة اكبر غمّه

وبدأت الدموع تتساقط بجد
حتي نزلت عالخد

والولّيه نفسها علي مراد حرّاقه
وخشّت دغري وطلعت البطاقه

والاصلع (داير روحه راجل ) قاللها :خلاص خشي للحوش
وعطا البطاقه لمراد المرعوش
و حزن لمراد وتمّا وجه بشوش

ونصح مراد كم نصيحه
معأن مراد يستاهل اكبر طريحه

مراد خذا البطاقه وجري شور الحوش
وعزم اصاحبه من الفرحه علي بريوش

وخلاصة الموضوع
انّه لو جاك اي موضوع
لازم تبكي وتذرف الدموع

هذه نظرية مراد في الحياة
تبي اتعلّم الحكم , ديما قمعز تلاه

وعلي رأي الامثال الشعبيّه
ربي ايخليهن لكّم و ليّا

لمّا تنزر ابكي وانذل
خير ما تاخذ علي راسك بالتل

ونبّي انقوللكم انه هذي القصّه حقيقيّه
بس متغيره فيها كم شخصيّه
والحياة ماشيه و100 100
بس لمّا تعطشوا اشربوا اميّه
وربي اينجّيكم وايخليّكم ليّا

وباآآي باآآيز علي احلي احلي قاآيز

سمــــــــــحة بكـــــــــل

شكرا يوفي والله انسجمت فيها بكل

قصة حلوه بجد
love it
keep up
انراجوا في إبداعاتك على أحر من الجمر مراد , مرادهُ ,, الجزء الثالث 360955