ايام الجو السمح عدّت
والحياة النكديّه ردّت
ونيتي عالحياة من جديد انسدّت
وجتنا
وردّت علينا القرايه
والكتاب حيقعد ديما تلايا
اقرايه بالعربي والانجليزي
اتزيدلي همي وتنرفيزي
ارقام وحسابات
هوم ووركات وامتحانات
وتتوالي السمسترات, وتتوالي السمسترات
عمليات طرح وجمع وضرب
وحاجات جديده جايتنا من الغرب
ايقوللك العلم نور والجهل ظلام
باهي واللي ايدروا فيه فينا مش حرام ؟؟
من اول ما بدا السمستر الجديد
والشر جانا ومنّا مش بعيد
اقري طول العشيه وارقد منكش سعيد
ومن المعرف ان القرايه اتنسيك اصحابك
واتباعد بينك وبين احبابك
اقــــرايــــــــــه اقـــــــرايـــــــه
انا نكـــــــره القــــرايــــــــه
تبدا من توا والايام جايّــــــه
حياتي حتقعد محصورة بين القلم والبرايه
كتيبه عرم وكثرة مسائل
وعيه من الصبح والبخت مايل
وعلي قول الشاعر عكرمه ابن دومه
في بيت شعر يحكي فيه عن همٌومه
ايا ليت العطلة تعود يوماً
فأنام واستجـــــــم دوماً
وعلي قول الفيلسوف رامي العبد
يللي من كثرة اقرايته دار عمليه عالكبد
قال:
النوم طاير وانا من القرايه حاير
احسن شي نرقد ونفتك من السهاير
ما اجمل براده الضمير
والنوم اللي ايجيك في وقت ذروه التفكير
وهذه هي القرايه
مليانه بالضرائب والجبايه
بس والله فيها جو
وهيا اتشاآآآو
ماشي نقرا تو
(مزلت ما بديت ) و باآي باآيز علي احلي قاآيز
