وعيت اليوم بدري الصبح
عصافير برّا والجو سمح
بس جسمي ناقصته حيويه
كباية نيسكافيه يا نا عليّا
شربت النسكافيه
طرت زي الباليه
ما ناقص الا دبشي انوتيه
عديت للجامعه فرحان ومبسوط
والجامعه مكان فيه الشباب مربوط
ايجو الساعه 7 وايروحوا 4
حياتهم متشتته ومتقربعه
وانا حاير وانفكر في ها الدعَوَه!!
تبيلها قعده وفنجان قهَوَه؟؟
!!!!!!!
يا أمّا شباب للجامعه طاهق
والا من حياته ومن حوشه زاهق
و الا للتسنكيح عاشق
؟؟؟؟؟
منش عارف من يشكي الحوش
نوم وبطانيه وجو بشوش
عالاقل انه بالاثاث مفروش
تهو مكمن الراحه النفسيه
24 وجو 100في 100
كلّا الجامعه الا صماطه
شباب ايتنافسوا عالحناطه
دعآآك في كل الكليات
من كل الاصناف والفئات
معاكسات لهالبنات
والحياء والاحترام ماآآت
تو والله الا كلام فاضي
وربي عليه مهوش راضي
متعرمين في كل ممر
ومتداعكين تحت الشجر
علي اساس جو رومانسي وتحت القمر
شباب دناسه وسواسه
بنات هدرزه ووناسه
والشياطين تلاهم وسواسه
لماذا يا شبابنا لماذا وهل؟؟
انت تبي اتحصل شي من هظا ولعل
انا انجاوب:: منضنّيش
تألها في قرايتك وفكك من التوشويش
جامعتنا معش فيها اي احترام
وامعرمه باعيال الحرام
ومستواها ينزل مع مرور الايام
لمد في كل مكان ,,وللجامعه سكّان ,,علي مر الزمان ,,علي مر الزمان
جامعتنا تمّت كيف مربط الحمير
والتفشيك واخذ منها حيّز كبير
ااتخش طيّب اتحول الي شرّير
وتنسي اصحابك وما اتقول خير
شباب ,تطويل شعر وجو ميني
امحسسني انّه كوري والا صيني
معش في رجوليّه آآه يا عيني
تأسمع اسمع انت ويّاه
ندويلكم كلكم محد ايبحت في اللي تلاه
خوذوا راحتكم راهوا الكل يأس منكم
البنات والشباب كلكم
تأنا لو ابنكمل احتمال انكمّل بكرا
والتطويله اتديري في جو عكرا
احسن شئ ننهي الموضوع وانسكرا
^__________________________^
فتــــــــــــــــــــــــروشــــــــــــــــــــــي