مجحوب فكّر في كل كلمه سمعها
وركّز في المعاني وعرفها
فقال لصاحبه :
شنو تبّيني اندير
لاني حشاش لاني امتاع سكير
ولا ني امتاع طحنات ولا امتاع تشليط
لا عندي عالتخويف ولا عالتخزريط
صاحبه قال:تيا محجوب اصبر
وخلّيني اشويه انفكّر
فكّر فكّر
ولامر محجوب قدّر
وقالّه احسن حل اتشخش عالسواسه
وطيح كل واحد مع ناسه
ورد محجوب:
لاااااااا
هذي بالذات اللي معنديش عليها
خصله شينه الله لا ايخلّها
فرد صاحبه: ياراجل معندكش حل الا هظ
ياما ناس غيرلك الحل هظا لهم نقظ
اسمع كلامي انا مش ديما تلاك
خوذ الحل هظا والسانك ديما معاك
محجوب: بس انا منعرف كيف اندير
الموضوع هظا راهزا خطير
صاحبه: ياآآ محجوب ضروري اتعلّم
مفيش حد طلع من بطن امّه متعلّم
فتعلم محجوب السواسه وتوصيل الكلام
وانتشرت سواسته في العمام
و بسببه صارن طحنات كثار
طحنات ما ايخش فيهن حتي الحمار
محجوب انقلب من طيّب الي سوسه
وتما ما ايحط في جيبه الا الدخان وبو خوصه
وعااش محجوب معزز مكرم
والناس تمّت من سواسته اتعلّم
وتمّوا يحترموا فيه
وديما ايسلموا عليه
وتما له شأن كبير
ويحترم فيه الكبير قبل الصغير
وصدق اللي قال
ان لم تكن ذئبا بفعلك
فكن ذئبا بالاقول
وان لم تكن ذئبا في حي الكلاب
اكلتك الكلاب قبل الذئاب
وهذه هي قصّة الفتي محجوب
مليئه بالسعاده والعيوب
وهيأآآآآ اتشاآآو وانشاء تعجبكم
