الجزء الثالث
(نصيحه لمحجوب)
محجوب صبّا دهشان
ادبشه امقطّع وحفيان
شاله هالجنتل لعند الباب
ورد دوا للشباب
يا فروخ الحرام معش اتجو شوره
واللي يقربه مرّه اخري انخلي عينه عوره
من الخوف حلّوا الجماعه
وطلعوا علي محجوب اشاعه
محجوب صَاحب الصيّاع
وقال للخوف وداع
وبعد مدّه محجوب خطّم من الشارع
وطلق السلام والكل ليدّه رافع
أول مرذه ايردّوا عليه السلام
ومحدّش عزقله ايه كلام
و العيّل الصايع ديما ايجي لمحجوب
من بعد الظهر لعند الغروب
وفي مرّه كان ايهدرز هو ومحجوب
ايتويله في ملعوب
وقالّه : يا محجوب ضروري تطلع امفتّح
منبيكش تطلع امتنّح
راهوا اللي كيفك طيبيين
والطيبيين عندنا شبه ميتيين
ضروري تطلع سوسه
وصايع وفاتح موسه
تعلّم الصياعه علي حالك
وعلي روحك رد بالك
راهم الشعب ما تبّيلهم الا هكّي
واكن سكتت , متلقي منهم لمن تشكي
ومعش تلقي في الحيا علي من تتكّي
تعلّم كيف اطروح السواسه
خليك امفتّح كيف كلاب الحراسه (كناآيه عالتفتيح )ر
وخلّك فاكن بالجو كلّه
واللي ايعرضك عرلضه
اسمع كلامي يا محجوب
يللي من الحياة تمّيت محجوب
وكل الشر عليك مكبوب
مرّه اخري خليك انت الشر
وللكل غيرك المر
خلّيهم يعرفوا قيمتك
ومعش يلقوا ايباتوا الا في خيمتك(كنايه عن السيطره)ر
وتّي روحك للحياة الجديده
وخلي جسمك قاسي كي الحديده
::::::::::::::::::::::::::::::::::::::
وانتظروا الجزء الرابع من محجوب