الدنيا ما فوقها حد الا الله سبحانه وتعالي , وكلنا مضروبين منها وفي اللي مضروب لين لين بس , فتعالوا انشوف
Start
نبّو نحكوا قصّه اليوم
عن شاب مليان هموم
انه صديقنا محجوب
عيل هادئ وطيّوب
لكن مشكلته انّه مش محبوب
مواصفاته طيّب ودرويش
ولا عنده عالدخان ولا حتي الحشيش
محجوب عيّل نيته بيضه
لكن في نفس الوقت حياته عيظه
من طيبته راكبه فوقه الناس
والناس معندهمش احساس
جيرانه ايشفطوا عليه 24 ساعه
ايعاملوا فيه معامله بلّاعه
طيّب انت والله يا محجوب
والحق ديما منّك مسلوب
في مرّة من المرّات
ضحك عليه صاحب محل النقّالات
باعله كرت مضروب
وبعد مبا ايرده له , قالّه روّح يا محجوب
محجوب قال في سرّه مرات انا اللي غلطان
واكيده صاحب المحل مني زعلان
احسن حاجه انراضيه
وطيبتي انورّيه
فعد محجوب للدكان
وقبل ما ايخش للباب , سمع كلام ما ايسرّه
فوقف ايتصنّت برّه
صاحب المحل بان شرّه
:
(الحديث بين صاحب المحل وجار محجوب)
:امس برمت محجوب كيف كل مرّه
وكل ما ايجيني توا انعاود الكرّه
العيّل هظا مضحكه وعرّه
الجار: تعادي محجوب هظا هبل
وعلي راسه واكل كيف الطبل
ومتسكره في وجه كل السبل
محجوب اتستك
وقلبه من جوّه انحرق
وقال في سرّه : خزّييييييه عليكم
انشاء الله ايجي يوم وانورّيكم
وبعدها محجوب روّح
وعلي سريره اطّوح
احسن حل النوم
عالاقل ايأجل الهموم
والي اللقاء في الجزء الثاني من محجوب