عدد المشاركات : 1408العمر : 33نقاط التميز : 105عدد الأوسمة : 2البلد : الحالة : الهواية : أوسمة المنتدي :
موضوع: هذا ويييين فهمتها 2010-08-27, 03:45
السلام عليكم يا فتراشين كيف الفترشه و الكساد معاكم ان شاء الله ديما مجتمعين
في يوم خطر عليا أغنية امتاع لعبه و هي قديمه بكل ,كنا نلعبوا فيها و نحن صغار بس ما كنتش فاهمه معناتها(زي الشاطره انغني و خلاص ) بس خطرت في بالي و عرفت شن معناها مؤخرا
الأغنيه اللي كنت انغني فيها فتحيه ورده,سكريه ورده قعدت انقول شنو فتحيه و سكريه كلمات غريبه و بعدها خطر عليا ههههههه انها كلمه مصريه هي:
فتحي يا ورده و سكري يا ورده هههههههههههه عليك ذكاء مش عارفه من وين جبته تاريتنا نلعبو في ألعاب جايه من مصر و نحن مش داريين حتى الالعاب مستورده من بره مافيش ألعاب صناعه وطنيه؟؟؟
إييه خطرن عليا أياااام كنا نلعبوا البطش و إللي عنده التير يا عيني عليه انخافوا منه
أيام الوبيس و الكهرباء و الماصه هههه و الله فيهن جو....
و بعد الكلام أحلى الختام لأحلى أعضاء في أحلى منتدى
بس حبيت انشاركم شويه من أيام الطفوله و بيس عليكم يا أهل الحاره