هل الحب اوهام ام حقيقة

الحب مش وهم..الحب حقيقه
بس لما تحب لازم يجتمعن عواطفك وعقلك في الحكم عالحبيب
يعني عشان الواحد يحافظ علي حبيبه او حبيبته يصرف بعقله
مش يتمسك بالحب بعواطفه بس
ان شالله فكرتي وصلاتك ياتاشا
ومشكور علي نشاطك في قسم الحوار

الحب حقيقية غير موجودة كحدائق بابل لديها في عقولنا وقلوبنا صورة جميلة ورائعة لكننا لم نرها يوما كذلك الحب في يومنا هذا

يارضا نبي انقولك ان ثقة شباب بل البنات انعدمة وهذا السباب مايخليش حد يحب وكيف تحبي وانتي ماعندكش فية ثقة يعني الحب في الايام هذي مش موجود والكلام اللي علي الحب حاجة نقروها نحركو فيها مشاعر الداخلية بس.
وعلي فكره انا مقرر اني مانحبش بكل لان عندي صاحبي ورفيقي وخويا مره حب وانجرح جرح قوي بكل ومنها نحن الاثنين سكرنا علي حاجة اسمها الحب

ياتاشا حتى الشباب مغير يسلمو في الثقه
وماتقدرش انت تجزم ان الخيانه من البنات بس والا من لشباب بس
ممكن انت صاير قدامك موقف هذا عليش متأثر بالبنات لكن ماتعممش كلامك علي كل البنات
وبالنسبه انك قررت معش تحب هذي حاجه مش انت تقررها
لو كان نحنا اللي نقررو نحبو والالا را مش صاير فينا هكي
عموما في النهاية نحب نقولك ان الدنيا مازالت بخير وكان استمريت علي تفكيرك هذا انت وصاحبك اكيد حتتعبو في حياتكم
وان شالله ربي يوفقكم

يا رضا انا نبي انقولك الخيانة 90% يديرن فيها البنات لان شاب بعد مايحب يحب بجد وانا من شباب اللي ماشي بالمثل الباب اللي يجي منو رايح سدو وستريح . وفي عصرنا هذا لا يوجد حب ولا دفنقي عارف صاحبي اللي قالتلك علية طيب بكل وانا كانت نوسواس علية ديما والمشكلة انا البنات تلبس في جلباب و متحجبة وقبل يبي يخطبها .لكن واللهي الحمد اله صاحبي ما تغلظش.يعني لا يوجد حب حتى المتحجبات انا معش عندي فيهن ثقة زمن قبل
كان شايب كبير في شارعنا قال ياما تحت الجلباب

باهي خلاص خليك علي نظريتك هذي وعلي نفس قناعتك
اذا كن هكي يريحك
بس مازلت نقولك ماتعممش كلامك عالبنات كلهن..ومش كل بنت لابسه جلباب معناها قمة في الادب والاخلاق
يعني حتى انتم ماتقعدوش مغفلين وتقيموا البنت بلبسها
مرات هي لابسته اجباري ومش برضاها
عموما ربي يهدي بنات وشباب المسلمين

اميــــــن

ربي يهديك يا صاحبي و خلاص
لكن انحب انقولك انه في حب و مايقولش غير ذلك الا الميؤس منه
و يبدو لي انك مريت بتجربه صعبه مع بنت غير مناسبه لك
و هذا الي جعلك تحكم ان الحب ما هو الا اوهام و هذا بالطبع كلام
غير صحيح و غير واقعي و كيف تفسر موضوع المتزوجين
شخصين عايشين مع بعضهم نصف عمرهم من غير حب؟

الحب موجود مش وهم زرعه الله فقلب كل بني أدم وعلينا احني انه نوجهه لطريق الصح
بس بصراحه صعب انك تحب وتحكم عقلك فنفس اللحظه
أغلب فشل علاقات الحب بغض النظر انها علاقات مش مباركه لأنها محرمه بس ايضا لأن البنات أغلبهن ينساقن وراء عواطفهن وميتصرفنش بعقل بل بقلب وهدا غلط,
دائما اللي تحب او يحب فمشاكله يكون عنده خيارين لحل مشاكله
حل يقوله عليه عقله وحل هو وقلبه يبوه
اني مع ان الشب لما يحب يحب فعلا بصدق
هدا مش معناها ان البنت لما تحب مش صادقه ابدا
بس الحب كما هو معروف من طبع البنات اكتر من الشباب من حيث انها عاطفيه ومليانه مشاعر
بس الشب انسان عملي يفكر بعقله اكتر من قلبه ولما يحب معناها هدا شئ بجد عظيم
الحب موجود حقيقة مش وهم بس العيب مش فيه العيب فالناس اللي نحبوهم
هل هما يستاهلوا الحب او لا؟
وللاسف حتي ولو هما ميستاهلوش هالحب بس نظلوا نحبوهم لآن الحب عمره ماكان اختيار.
تقبل مروري اخي العزيز
وحابه نشكرك بجد علي مواضيعك القوية
بانتظار المزيد منك
تحياتي الحاره

tashaalfaitory كتب:

يارضا نبي انقولك ان ثقة شباب بل البنات انعدمة وهذا السباب مايخليش حد يحب وكيف تحبي وانتي ماعندكش فية ثقة يعني الحب في الايام هذي مش موجود والكلام اللي علي الحب حاجة نقروها نحركو فيها مشاعر الداخلية بس.
وعلي فكره انا مقرر اني مانحبش بكل لان عندي صاحبي ورفيقي وخويا مره حب وانجرح جرح قوي بكل ومنها نحن الاثنين سكرنا علي حاجة اسمها الحب

عفوا
بس انا حابه نرد لكن ردي حيكون قاسي شويا بس صدقني انا انت بالذات لازم تشوف حاجة تانيه غير القوقعة اللي معيش نفسك فيها قوقعه الحب اللي مش وقتها بكل
لكن نستناك الاول ويمكن نديرلك موضوع

.........................عفوا
بس انا حابه نرد لكن ردي حيكون قاسي شويا بس صدقني انا انت بالذات لازم تشوف حاجة تانيه غير القوقعة اللي معيش نفسك فيها قوقعه الحب اللي مش وقتها بكل
لكن نستناك الاول ويمكن نديرلك موضوع................

اولا انا مش معيش روحي بقوقعة يعني هايش يومي نحب وندير في جو اللي انتي ما تندريش علية لكن حسب الكلام اللي نشوف فيه يصير مع شباب قرارت اني ما نحبش لا بعد ما نتاكد ومازال ما حصل نصيب لكن انتي فهمتي موضوع علي طريقة رجعية وشكرا اختي علي مرورك