مشروع البحيرات الشمالية لمدينة بنغازي ارقام وإحصائيات نقلاً عن اخبار بنغازي

اول حاجه كتبتها بالون الاحمر هي علي ربط المجاري (( تصريف الامطار )) وهي شي عادي ويحدث في الدول الكبري
وهي ربط بحيرات حيويه بتصريف ميا ه الامطار

الشي الثاني واللي هو 2010
مستحيل طبعا يستكمل المشروع في هذه السنه وكلنا عارفين عليش


بوركت اخي شحومي

اخي اليوفي شكراً لك اولا على المرور والمتابعة

وطبعاً انا لا اتعارض مع الفكرة وانا لم ادرس هذا العلم

لكن ارجع مع للوراء قليلاً وتحديداً بحيرة 23 يوليو أو تيبستي

هي ايضاً تم ربط صرف مياه الامطار سيدي حسين بها

ومع مرور الوقت وبسبب سوء اعمال الصيانة لخطوط الصرف الصحي في سيدي حسين

جعل بعض الناس يقومون بربط خزانات المياه السوداء التالفة بشبكات تصريف مياه الامطار

مما جعل هذه البحيرة من اكبر خزانات المجاري في العالم بمساحة 100 هكتار وعمق مابين 2 متر الى 5 امتار مياه ملوثة

بالكامل

ولعل المهندسين يعطونا رأيهم اكثر في هذا الموضوع

مشكور اخي الشحومي للمقال
قصه ربط الوارد هي قاعدة ولو في حد منكم شاف المنطقه اللي مقابله البحيرة حيلاقي مصيدة رمال رقم 6 ومصيدر رمال رقم 7 والعمل جاري فيهن من قبل شركه البحر الابيض المتوسط وهي ضمن مشروع السلاوي وهي عبارة عن مكان تتجمع فيه مياه الامطار وتتضمن هذي المنطقه ومن ثم تم ربطها بأنابيب وتم توصيلها للبحيرة ولان العمل مازال جاري في المصيدة فنعتبرة مازال من الناحيه الميكانيكيه لكن انا مفهمتش ليش بالاحمر يعني ؟؟؟؟؟

لكن كلامك بالفعل عن بحيرة 23 يوليو وهذا انا متوقعا مستقبلا اننا توا انعانوه واجد لان المواطنين لازم يتدخلوا واجد في التصميم ؟؟؟؟ وغريبه طبعا كلامي لكن هذا اللي متعب مشروع السلاوي اصلا لان الخرائط اللي عندهم قعدن يفرقن ع الطبيه لان المواطنين ماشالله عليهم غيرو التصميم بالنسبه لاعمال الصرف الصحي وكل واحد دار تصميم وحل بيه مشكلته

لكن للاسف البحيرة حتعاني من المشاكل هذين لانهن من توا قاعدة اتعاني فيهن و العمل بالنسبه للمقاول ماشالله عليه لكن للأسف مشاكل خارج عن ارادته لما تقعد من الماطنين ودار خطابات...... يعني لو المقاول كاين في بيئه تانيه كاين امكمل بصراحة يعتبر كويس مقارنه بمقاولين في مشاريع اخرا وبالعكس كويس جدا اخرا
وبعدين صح عناصر وطنيه وانا نهنيهم بالفعل لانهم يشتغلو بالفعل ومع ان متعب جدا عملهم ولعند اليل بصراحة انهنيهم

وقصه ان المشروع امتى يكمل في فرق لو الواحد يشوف الجدول الزمني راح يلاقي ان بالفعل المشروع هكي لكن طبعا الواقع غير وديما نقول التقصير مش من المقاول بالعكس لكن التأخير لاسباب خارجه عن ارادة اي حد فينا وهذين اسباب في اي مشروع مش المشروع هذا بالذات وديما اللي قاعد برا الدائرة ميشوفش في اللي جواها وكل واحد فينا يتمنى لكن المشاكل تجي مش ع البال

معلش طولت عليكم

شكراً على التوضيح يا اخت مووون

بالنسبة للمصيدة انا لم الاحظها وبالنسبة للإشارة باللون الاحمر فهي كانت مجرد إشارة للنصوص فقط ولايعني لي اللون اي شيء

على العموم مدام مصير للتلوث هذه البحيرة بسبب جهل المواطنين وعدم الرقابة من قبل الجهات ذات الاختصاص فأنا افضل

عدم ربط تصريف مياه الامطار بها ، يعني لازم يربطوا مياه نصريف مياه الامطار بها ؟

وبالنسبة للمدة الزمنية اعتقد انه من المواضح ان معد هذا التقرير اخطأ في الارقام اليس كذلك ؟

إن كانت إنطلاقة المشروع عام 2007 وتم انجاز 45% من المشروع

فكيف يكتمل الــ 55% في اقل من عام واحد ؟

على العموم انا اقدر الجهد المبذول من قبل السواعد الوطنية وغيرها

والتي تعمل ليل نهار لما فيه مصلحة الناس

ونسأل الله ان يوفقكم لما فيه الخير للجميع

وان يجعلكم دخراً لهذا الوطن

الشحومي كتب:

شكراً على التوضيح يا اخت مووون

بالنسبة للمصيدة انا لم الاحظها وبالنسبة للإشارة باللون الاحمر فهي كانت مجرد إشارة للنصوص فقط ولايعني لي اللون اي شيء


مش مشكله وضحت عندي لكن المصيدة اكيد لو الواحد ماشي علي رجليه اكيد حيلاحضها وهن 2 مش وحدة

على العموم مدام مصير للتلوث هذه البحيرة بسبب جهل المواطنين وعدم الرقابة من قبل الجهات ذات الاختصاص فأنا افضل

عدم ربط تصريف مياه الامطار بها ، يعني لازم يربطوا مياه نصريف مياه الامطار بها ؟


لازم يربطوها مهندس شحومي
انت اعتبرها سلسله المصايد لها سبب ولو تجي تشوف هن 7 مصبات وانت عارف المصايد الوضيفه الاصليه شنو يعني تخدم مساحة معينه من المنطقه ويتم ربطها كلها بالصفيات يعني يتم ربط الصفايات في المانهول والمنهول اللي تتجمع عنده مياه الامطار وبعدها تتجمع كلها وتصب في المصيدة
باهي كيف يتم التخلص منها او الاستفاة منها ؟؟؟ لازم تمشي للبحر لانها مياه امطار مش مياه صرف الصحي اللي تمشي من محطه الى محطه ويتم في النهايه في القوارشه
هذي مياه امطار وبالتالي تم ربطها بالبحيرة والبحيرة زي ماانت عارف مربوطه بالبحر وهكذا
لكن قصه المواطنيين ان شالله يكون الجيل الجاي افضل من اللي قبله انه يكون واعي ومتعلم والله انا من زمان ونبي ندير موضوع وحدة بالنسبه للقصه هذي

وبالنسبة للمدة الزمنية اعتقد انه من المواضح ان معد هذا التقرير اخطأ في الارقام اليس كذلك ؟
لا طبعا هم مااخطأوش لان العقد هكي يقول وزي ماوضحت هو مشروع كسائر المشاريع اكيد فيه مشاكل وانا وضحت ان المشاكل مترجعش للمقاول والتنفيذ
وبالعكس انا نعتبره من المشاريع اللي ماشيه كويس في وقتنا هذا


إن كانت إنطلاقة المشروع عام 2007 وتم انجاز 45% من المشروع

فكيف يكتمل الــ 55% في اقل من عام واحد ؟

لا مش مقياس ومتاخذش النسب وحساباتها بالطريقه هذي لان ممكن يقعد ال45 هو شغل ياخذ وقت والعكس



على العموم انا اقدر الجهد المبذول من قبل السواعد الوطنية وغيرها

والتي تعمل ليل نهار لما فيه مصلحة الناس

ونسأل الله ان يوفقكم لما فيه الخير للجميع

وان يجعلكم دخراً لهذا الوطن

بارك الله فيك دائما

شكرا اخ الشحومي