ماذا اذا كانت مديرتك انثى

موضوع: ماذا اذا كانت مديرتك انثى 2010-01-30, 11:17

بصراحة اريد تفاعلكم انتم الرجال في هذا الموضوع لان يهمني واجد اني نعرف رأيكم بصراحة وبشفافية
ماذا اذا كانت مديرتك في العمل مرأة هل ستأخذ هذا الوضع بحساسيه
انا بصراحة انحس ان الرجال يأخذو فيه بحساسيه يعني اللي يقول نحن اقدم منها او اللي يقول كيف بنت هي اللي تحكم فينا وبالاخص لما تقعد علاقتها معاهم فوق من الرسميه ومافيش اي احتكاك الا من ناحيه العمل يعتبروها مسيطرة عليمه انا نقول هو ممكن ان الكل اقدم صح واكبر بس الاختيار يكون من ناحيه الكفائة مش الاقدم لما يحسو ان المرأة اكفأ من الرجل تصلح بأن تكون مديره احسن من الرجل هما يحسبو فيها هكي
ولما تقعد العلاقه معاهم محدودة جدا جدا يتحسسو منها اكثر بصراحة انا يهمني انا نعرف رايكم بجد بجد ليش الرجل يغير منها ليش وبعدين انا من رأيي المفروض ان التعامل في العمل بين الرجل والمرأه يكون في حدود العمل بس بس بيش يتولد الأحترام بينهم
ان شالله تكونو فهمتو قصدي ياريت تجاوبوني لان كلكم راقيين بجد وانا تميت انحس ان الجيل الجديد اللي هما انتو افضل من الجيل القديم من ناحيه الفكر فلو تقولولي شن رأيكم ؟؟؟؟؟؟؟؟؟؟؟؟

السلام عليكم أختي موون
انا من وجهة نظري الشخصية .. ما عنديش مشكله في ان تقعد مديرتي أنثى طالما هيا عادلة وتصرف بحكمة وتحكم بعقلها .. يعني ما عندهش كراهية للجنس الآخر ومنصفه بين الجنسين .. بس انا أنحب أنوه على حاجه مهمة اللي هيا لازم المكان اللي تشغله الأنثى يليق بيها ك"أنثى" يعني انتي اكيد عارفه في أعمال ما ينفعش انحط فيهن الأنثى زي شرطية او في الأمن او الجيش أو الحراسة أو ان تكون قاضية ..الخ
والمقصود هنا ان ربي خلق الأنثى بمواصفات ال"أنثى" لوظيفة "الأنثى" مش لوظائف ما يناسبنهش زي ما ذكرت سابقاً.
وكان تبي الحق انا مازلت ما جربت ان اتكون مديرتي انثى ولعند توا مديري راجل وما عمرش ظلمني
ماذا اذا كانت مديرتك انثى 20556

وليش لا لما ايكون منصب المدير يناسبها من حيث الكفاءة والدقة والالتزام والعدل ؟؟
يعني انا ما عنديش مانع من ان اتكون مديرتي أنثى لو وافقت شروطي وكانت متفوقه عليا علميا وأدبيا واخلاقها ما شاء الله عليها
وأنا آسف عالإطالة أختي موون ووفقك ورعاك الله في عملك
سلام

بارك الله فيك لأنك اعطيتني وجهة نظرك وبالعكس انت ما أطلتش عليا
وانت معاك حق صح لازم تقعد المرأه في المكان اللي متفقدش فيها انوثتها ومش فالأماكن اللي خصصتها بس انا نقصد في حالاة ادارة يعني مهندسه
بارك الله فيك