بنغـــــــــــــــــــازي

عدل سابقا من قبل AyoMax في 2010-01-09, 12:11 عدل 1 مرات

موضوع اليوم ياجماعة على بنغازي زمان وبنغازي اليوم وللأسف أنا شفت الصور وزعلت واجد عشان بنغازي زمان أحسن وانظم وأنظف من توا وأنا من رأيي أن أجدادنا كانوا متحضرين أكثر منا لأن ببساطة التحضر مش بإستعمال التكنولوجيا وإلا موضة والا سيارات وغيرها من الحاجات هذن بس التحضر يكون في التصرفات والنظام والأخلاق اللي يحافظن على بلادنا .. وانا انحب نقول ان بنغازي حلوه ياشباب ويابنات بس الناس هما اللي يخربوا فيها ونبيكم اتفرجوا عالصور وتحكموا برواحكم وتعرفوا جمال بنغازي..

شارع جمال عبد الناصر

الكورنيش
بنغـــــــــــــــــــازي 15761606159415751586161

حديقة البلدية
بنغـــــــــــــــــــازي 15761606159415751586161h

شارع البركة
بنغـــــــــــــــــــازي 15761606159415751586161

شارع النصر سابقا
بنغـــــــــــــــــــازي 15761606159415751586161j

شارع النصر سابقا
بنغـــــــــــــــــــازي 15761606159415751586161

وغيرها من الصور ..

وفي الأخير انتمنى ان انحافظوا على مدينتنا الغالية

كــــــلامك صح والله يا ماكس
المشكلة فينا نحن ((الشعب))
ربي يهدينا ونقدرو انردو بنغازي القديمة بحله جديدة
تحية

مشكورة علي غيرتك الوطنيه
بنغـــــــــــــــــــازي 189165

كلامك جميل مايو
بس حاجات واجد تغيرت علي زمان مش غير الناس
وكلنا عرفين

بنغـــــــــــــــــــازي 76146846cq5

صورة قديمه لميدان الشجرة
المفترق اللي بين شارع جمال وعمر بن عاص

ولو انشوفي المكان هذا توا تلقي فيه مباني واجده تم ازالتها
ليش؟؟؟ لان عرب بنغازي ايخربو بنغـــــــــــــــــــازي 12390

شكرا جوفنتس وناروتوا على المرور وشكرا لك ستار على المشاركة والتفاعل ..
وانشالله ربي يهدي الناس ويصحي فيهم الغيرة على هذه المدينة الغالية
بنغـــــــــــــــــــازي 367993

معاك الحق أختي ماكس

و الصور القديمة لبنغازي حلوة بكل

والله كلام الاعضاء صح المشكله فينا احنا
والله انا خاطري انزل موضوع عل البنيه التحتيه ومعاملة الناس والمواطنين بس معش حصلت وقت والله
لاني نيبي نكتبه
مشكورة حبيبتي

فعلاً المشكله في الشعب
و الله ديما إنشوف الصور القديمه لبنغازي
و انقول ياريتهم ما غيروها
و مهما كان عدد سلات المهملات
إتلاقي المهملات في مكان خارج السله بنغـــــــــــــــــــازي 381677

ربي يستر و يصلح حال أمتنا

معلش أيو طولت عليك
بس و الله الموضوع حساس

تقبلي مروري بنغـــــــــــــــــــازي 696185

أكيد الي ايخلو المكان كويس ولا لا هم الناس الي قاعدين فيه

ونحنا تغيرنا وااااااااااااااااااااااااااااااااااااااااااجد نحو الأسوأ للأسف

ان شاء الله انردوا كيف زمان واحسن

مع ان حناخذوا وقت طويل بكل ، لكن ان شاء الله نوصلو

شكرا ايو على الموضوع

وعلى الصور الائعة لمدينتنا الغالية

كلامك صح 100%
بس كان كل واحد يشقى بروحا
لما يعزق ورقه و يسألوه عليش ؟؟ يقول .. كلهم يعزقوا
شنو فيها لو نقصت ورقه وحده
فكروا بي هالطريقه

االسلام عليكم الاخوة الاعزاء نحن مغتربين نريد نبذة عن مشروعات بنغازى من الاخوة الذين يعملون فى المشروعاتوشكرا

الاهلى الاهلى كتب:: االسلام عليكم الاخوة الاعزاء نحن مغتربين نريد نبذة عن مشروعات بنغازى من الاخوة الذين يعملون فى المشروعاتوشكرا

وعليكم السلام ورحمه الله وبركاته
اكيد ان شاء الله حتلاقي طلبك ممكن بالبحث في النت عشن مشاريع بنغازي قاعدات
ع النت وان شاء الله تلاقي طلبك ولو تبي اي استفسار ان شاء الله ممكن انساعدك

موضوع: مشروعات بنغازى 2011-01-14, 10:40

moon2010 كتب:

الاهلى الاهلى كتب:: االسلام عليكم الاخوة الاعزاء نحن مغتربين نريد نبذة عن مشروعات بنغازى من الاخوة الذين يعملون فى المشروعاتوشكرا

وعليكم السلام ورحمه الله وبركاته
اكيد ان شاء الله حتلاقي طلبك ممكن بالبحث في النت عشن مشاريع بنغازي قاعدات
ع النت وان شاء الله تلاقي طلبك ولو تبي اي استفسار ان شاء الله ممكن انساعدك

السلام عليكم
شكرا على الرد بخصوص النت دايما نفس الموضوعات لاتتغير اذا امكن اريد ان اعرف مثلا اين سيكون المركز الحضرى وماهو العمل فيه اى ابرج اوماذا ماذا سيكون مكان محطة جليانة ومكان الصيد منطقة اللثامة ماذا سيكون فيها عين زيانة المناطق المستهدفة بالازالة انا اعرف انها اسئلة كثيرة ولكن ارجوك اى معلومات فاءنا دائما فى طرابلس والحقيقة ان هناك شغل حقيقى
وشكرا على التعاون

ان شاء الله حنرد عليك
لكن العمل جاري بالمشاريع وانا دائما انقول ان التعطيل بالمشاريع لهن اسبابهن ولكل مشروع سبب
وصدقني عادة مش كيف اللي يشتغل فالمشاريع كيف اللي يتفرج وينتقد من بعيد لأن اللي يشتغل فيهن عارف اسباب التعطيل ومقتنع بيهن

moon2010 كتب:: ان شاء الله حنرد عليك
لكن العمل جاري بالمشاريع وانا دائما انقول ان التعطيل بالمشاريع لهن اسبابهن ولكل مشروع سبب
وصدقني عادة مش كيف اللي يشتغل فالمشاريع كيف اللي يتفرج وينتقد من بعيد لأن اللي يشتغل فيهن عارف اسباب التعطيل ومقتنع بيهن

السلام عليكم
شكرا على التجاوب انا لااعمل بطرابلس ولكن دائما فى طرابلس بخصوص العمل
انا احد المشرفين على مشروع انشاء احد محطات الكهرباء الكبيرة وقد تم انجاز العمل فى الوقت المحدد وقد كنا نحن من نحدد استلام الشركة المنفدة للعمل ودلك عن طريق نسبة الانجاز
ولكن فى المشروعات التى فى بنغازى بطىء شديد مقارنة بطرابلس
ماارغب فيه لو فى امكانية حتى المشاريع التى لم تنفد بعد
لازلت جديد فى المنتدى ولااملك جميع الخصائص وفعلا اعجبنى المنتدى لانه يتحدث عن بنغازى

ذكرت انك مهندس كهربي وايضا انكم من كنتم تحددون موعد استلام الشركة فالموعد
ممكن علي كلامك انت تشتغل كأستشاري عل المقاول او استشاري من المالك
بس انت ذكرت انكم تحددو الموعد يعني وفق جدول زمني من المقاول بس اكيد المحطه اللي تشرف عليها معليهاش عوائق انا سامحني معلش انا بنت بنغازي ونحبها بكل بكل بس احيانا ااحنا نساهمو منقولش منا بس انساهمو كمواطنين ان احنا منبوش نساعدو شوياا يعني اكيد اي واحد يقرا في كلامي يعرف كيف
يعني انا نحكي اني بصراحة عاشرت الطرفين كمواطنة وكمهندسة لكن صدقني المشاريع ممكن بطيئه بس يشتغلو وفي اغلب المشاريع وجود عوائق والجدول الزمني يتغير وكله من عوائق وانت مهندس عارف العوائق ايش اتمثل يعني واكيد اي مشروع بيتعطل
انت شوف فالمنتدى هذا وجود كم موضوع في اخبار بلادي حتلاقي في معلومات ممكن اجابه لبعض من تسائلاتك وانا ان شاء الله حنستمر معاك وايضا اكثر لما يكون عندك خصائص المنتدى

السلام عليكم شكرا علىالاهتمام والله كل ماندخلوا لبنغازى ضرورى انديروا زيارة للمشاريع لان بنغازى اجمل مدن ليبيا لو وجدت الاهتمام بل فى نظرى اجمل مدن الوطن العربى لانه لايوجد مدينة بها 7 بحيرات

السلام عليكم
ماهى الطريقة لكتابة موضوع جيدا ارجو المساعدة

اقصد موضوع جديد

اعنى موضوع جديد

خيرات مهندسنا
بالنسبه كيف اتدير موضوع جديد شوف الموضوع ايخص اي منتدى يعني اخبار بلادي ولا موضوع عام فالمنتدى العام او موضوع ديني فالمنتدى الاسلامي
افتح ع المنتدى وشوف من فوق حتلاقي موضوع جديد حتطلعلك الصفحة هي اللي تحط فيها الموضوع تبعك وبعدها تديرلها ارسال

السلام عليكم اهلا بيك وشكرا على الاهتمام قمت بالدخول على موضوع جديد ولكن ايقونة عنوان الموضوع لاتعمل معى وكدلك عملية التصويت لااعرف كيف التعامل معها وهل هى ملزمةوشكرا جزيلا

عفوا كنت استعمل متصفح اوبرا ويبدو ان ادخال موضوع جديد لايعمل فى متصفح اوبرا الان جربت متصفح اخر وهو يعمل وشكرا مرة اخرى

السلام عليكم
بدانا بأول موضوع مع وجود خطاء بسيط انه انطلق مرتين