رد على موضوع "شوفو الفرق بين الرجل الليبي و الرجل الاجنبي "

و انت توا شوفو الفرق بين الزوجة السورية والزوجة الليبية

اذا وقع زوجها عن الدرج:
السوريه : ولي على آمتي ، سلامتك حبيبي أنشاء الله انا ولا انتا ابن عمي ( ميته خوف عليه )
الليبيه : شنو خير مصيبتك .. طيح سعدك .. دخت ؟ تستـــــــاهل .. الله لا يردك ( بتستناه امتى يموت باش تورثه ).

الزوج يعتزم السفر:
السوريه : انتبه لنفسك ابن عمي ، جهزتلك الشنطه ، كتّر خيرك على الاغراض اللى اشتريتها ، بيكفوا سنه الله لايحرمنا من دخلتك علينا ، أولي على آمتي ، تروح وترجع بالف سلامه
الليبية : أسبوع خليقتها مبرومه قبل السفر ، وكل شوي دموع ، وأمتى تبي تروح ؟ ومع منو ماشي ؟ مش تلصلص عالبنات !! إحلفلي إنك ما تعفس مكانات فيها بنات ! ما تتأخرش ، ينقصنا شي وانت مسافر ما نلقوش منو بينــا. وكل يوم بتتصل بالتلفون علشان تشوف أنت وين و تحكيلك إنو الولد عنده سخانه ، وبنتك قربت تموت، ( هوايتها نكد )

إذا الزوج تأخر بره فى شغل او مع صديق:
السورية : شو إبن عمي ! غلي ألبي عليك تؤبشني يا حءء وكثير شغلتلي بالي ، تؤبرني ما تتأخر عليي كثير مره تانيه عشان بشتائلك أنا
الليبية : شرّفت !! وين كنت لاوي راسك؟ مهو أنا خدامة في الدار، طول نهاري نكنس و نمسح !! مع منو من أصحابك كنت تنسرف ؟ شنو جبتلنا معاك ؟ وإلا جاي تصفق في يديك !! ، باهي اللي عرفت أن ليك حوش وعيله وروحت
( لا تعليق)

إذا طلبت شى منه :
السورية : إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.
الليبية : إغلط مرة في حياتك وجيبلنا حاجه معاك .. بكلاوة وإلا كنافة نبي حاجه نحللي بيها ريقي اللي أمر من هالعيشة معاك ( بالله مش ذبحها حلال ؟ )

إذا جابلها هدية :
السورية : يسلّملي إياك ابن عمي حبيب ألبي ، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري
الليبية : والله غاب وجاب ، وشوف شن جاب الغراب لأمه ، من وين شريتها وقداش حقها هاذي ؟ ، الله يقطع ذوقك مش لو جبتلي شلاكه نشلك بيها خير
( حسبي الله في هالـ ....)

اذا تبي شي منها :
السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي .
الليبيه : مهو حرام نستريح شوي، لازم حياتي تظل تعب ونكد، هو ما فيش غيرك فى الحوش؟ مش فاضية، وإلا درق علي وجهك شوفلك حاجه تلهى فيها ، مرارتي انفجرت اففففف اففففف.
لو طلبت منها فنجان قهوة :
السورية : من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس )
الليبية : تبي قهوة ؟ هوينهم خوتك فى المربوعه برا تمشرب معاهم، وإلا إمشي لإمك تديرلك قهوة، نسيب شغلي إللي في إيدي ونديرلك قهوة؟؟ هاذا اللى ناقص، ياااا رب نموت ونفتك من العيشة اللى بتقرف ( كل هادا علشان فنجان قهوة ريتو سم ياشيخة )

اذا قل لها (تبي شي؟) وهو طالع :
السورية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحبيبي بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟ ( بتكون غبى لو طلعت وتركتها )
الليبية : لأأأأ (طول براطمها شبرين)... ما نبي شي، وين ماشي؟ انشالله بتقعد هلبه وبتخلّيني بروحي زي الهبله، .. جيب معاك شمالات للولد وإنت جاي.
الذوق والتنويع فى الاكل:
السورية : سلطات، تبولة ، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى ؟ دوء هاي من إيدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته صحتين على ألبك ابن عمي.
الليبية : لو عندها كل أنواع الخضراوات، والثلاجة مليانة بكل شئ، ما تطمعش بأكثر من مقطع وكXXXXXXي بالبصله وبازين نئ، وإذا شدت على نفسها مكرونه مبكبكه، هذا اذا كنت محظوظ.
طبعا .. وشواربها شبرين لا قدام ، وتبدأ ضرب بالبنت أم ست سنين باش ما تساعدش ، وإذا حاولت أن تتحدث إليك فسيكون الحديث كالتالي: اليوم جت فواتير الكهربا والميه، لازم تدفعهم ؟ اليوم انكسرت إيد الشيشمة متع الكوجينه، بعد لا تكمل غداك برا جيب الروماني يصلحها ، ولدك يبي 120 جني يشري بوتيل زيه زي الصغار.
وبعد ما تكمل غداك إرفعني لحوش بوي جايه غادي مباركه وبناتها، طلعت روحي طول اليوم فى الكوجينه والعزومات (خليها تمشي قبل الغدا بالكش تنفتح نفسك وتاكل زي الناس).

من غير زعل يا بنات و الليبية ليبية مهما تكون موصفاتها مش حناخد الا ليبية

بامانه منقول بس لغرض طيب

موضوع رائع جدا

شكرا لك يا عزيزي

ولا يهمك عمى بريق

يسلـــــــمو الايادي موني موضوعك رائع جدا
لكن مش كل البنات هكي يعني في الي كويس شويا
يعني مش كيف السوريه لكن كويسه
بس حتي الرجاله السوريين مش كيف الليبيين

اكيد الرجاله اليبيه احسن

منور يا ولد خالتي

ولا يهمك يولد خالتى

» شوفو الفرق بين الرجل الليبي و الرجل الاجنبي
» الفرق بين "بابا" و "زوجك" ..!! بس حر اااااااااااااام مو ا لكل هيك !!!!!!!!!!
» "شوف الفرق بين المراة العربية والفرنسية والانجليزية"