الطفل الليبي في عسكرية

ديما انقولوا ليش صغار تو مش زي صغار زمان ليش اصبحوا مشاكسين جدااااااااااا
ومايسمعوش الكلام وراسهم يابس تقوله يمين يقول يسار
ومايحبوش حد يحيرهم ابدا ديما يتهربوا
وعاد احنا مش مقصرين معاهم تعال يافرخ خيرلككككككككك نهارك المغبر كان ماتجي

>>>>>>>>>>>>> مانكش جاي طاف اعطيه طاف
<<<<<<<<<<<و الله ماحسيتهااااااااااا ويعطيها الشياط

>>>>>>>>>>>>>>>>>باهي تو تشوف كانك طلعت من الحوش مزال

وعلى هذا الموال عاد


بصراحة انا ضد الكبار ومع الصغارررررررررررر
الصغار عندهم طااااااقة يبو يفرغوها وشكلهم هم عندهم طاقة اكثر منا احنا زمان ممكن لانهم ياكلوا شكولاته وبطاطا اكثر منا احنا زمان
المهم هم عندهم طاقة تبي تفريغ واحنا الاهل مخلين الحوش كله كبت ولا يقول عسكرية فيسع فيسع يعودوا فيه عليها من تو
كثر خيرهم عادي هدوم اللي مدلعين اولادهم حدها يجيبوا له العاب
حتى كان بيدخل صاحبه للحوش نهاره احرف وكان قلب او بحوس حاجة نهاره احرفين
كل شيء لالالالالا مما يجعل الطفل يكذب ويتحايل عليهم
وعاد الاباء انواع
في الاب الغني هذا ماهوش فاضي بصغاره ولا فاضي يطلعهم ولا يوسع خاطرهم يسكتهم بالفلوس وخلاص
ويقعمز الوليد على البلاستيشن وسبيس تون ويعلم العنف وبعدين يلوموه ليش انت عنيف

وهناك الاب المفلس اللي قريب يشرك شلاتيته ماهو ملحق يحك راسه بلا تمره ولما يروح للحوش سبسي ورا سبسي واللي يكلمه من الصغار نهاره لمغبر
خصوصا لو فيها فلوس او طلوع
والله مفروض اقل شيء يدهور بيهم صح ماعندنا في ليبيا مكانات تذكر باش يمشيلهم الواحد لكن بلادنا واسعه ولو يرفعهم للبر
يديروا براد شاهي ويلعبوا الصغار كورة
خصوصا اللي عايشين في شقق ماعندهم غير التلفزيون يتعلموا منه العنف ويطبقوا الشطانه في المدرسة او في الحوش او الشارع
بصراحه ومن الاخير الطفل الليبي مسكين عاااااااااايش في كبت وحرمان
الاب مش فاضي او مفلس وخاطره ضايق وهم الاتنين ماعنهم وسعة بال
والام تلف على الحياش ولما تروح تبي الحوش كيف ماهو وكان تلقاهم يتمصمروا في مكانهم وتقطع عليهم حتى النفس
والحنان هذا شيء مفقووووووووووود بالرسمي لامن الام لا من الاب
مسكين الطفل الليبي

وربــــ يحفظكم ــــــي

شكرا علي مرورك يا بــريق الألمــاس