السلام عليكم أنا اليوم درت شغل بسيييييييط بكل وانشالله يكون مفيد ويعجبكم أولا الأدوات زي ما واضحات في الصورة هنا عبارة عن قاعدتين متاع شيشتين قازوزة وإبرة وخيط وسوسته ومقص وبطم وناستروا وتوبوا لمعة للتزيين
اول خطوة أنك اتخيطي السوسته مع القاعدتين وتقعد بالشكل هذا
وبعدها انحطوا ناستروا مكان الخياطة عشان يغطيه ويبان منظر العلبة أحلى زي ما واضح في الصورة..
وبعدها الخطوة الأخيرة وهيا أنك تزيني العلبة بالطريقة اللي اتحبيها والصورتين هذينا العلبة بعد زينتها
ونتيجة الشغل هذا أنك صنعتي علبة صغيرة ممكن أنك اتحطي فيها أي حاجة وأنا نبي انحطها على مكتبتي عشان لما نقرا ومثلا انبري قلمي انبريه فيها وطبعا ممكن أنها تستخدم في حاجات واجدة وفي الختام انشالله يعجبكم شغلي ويكون موضوعي مفيد تحياتي للجميع
ما شاء الله ما شاء الله ما عندي ما انقول عالابداعات والافكار هذن الصقع يا صقع بس والله بجد حلواااااااااااااااااات ويا ريت ما تحرمينش من فنك يا فنانتنا وخلي مواضيع حصرية على منتدانا ياللي امنورته
وزي ما قالك المدير توا ايدير قسم خاص بالابداعات الشخصيه وممكن حيخليك تشرفي عليه انتي