مابا ايرد سلام... للشاعر مراد البرعصي

هذه القصيدة للشاعر الكبير {مراد عبدالحميد البرعصي}.

قد تكون في بعض المنتديات الأخرى ولكنها تحمل من الكلمات ما لا يعرفه إلاّ من له شغف بالشعر الشعبي وبعمالقته.

الذين منهم صاحب هذه القصيدة.

أرجوا أن تنال إعجابكم.

أترككم مع القصيدة

مــابــى ايــــرد ســـــلام ... اطريلى عزيز ايجول فى لوهام ... علينا خطم

عــلــيـــه اعــتـــبـــى ... وحـال غايتـى ماضـاع فيـه اتعبـى

ولااريـد يسبـوهـا عـلـى اعـربـى ... ولا غيرهـم قولـت اشـقـى بـغـرام

من غير ها الى فـى الكـدى واطربـى ... فى اليقضة خيـال وكـان نمـت احـلام

يجونـى ومنهـم داى مـوش امغـبـى ... منشيلـة اهـلاع امقـوررات ســوام

ومااريـد فيهـم شـى اومـا وانـدبـى ... وشوشـة اعـيـاط ولاانريــد خـيـام

ينتصبـن.. ولانبـى ابـكـا وانهـبـى ... ونريـد صاحبـى يفـزع ونـا منضـام

وانريـد رمضـان الـى ادمـا لنسبـى ... الصالحيـن صالـح نلـزمـوه الــزام

بدورة عـزاء فـى ام الخـدود الهبـى ... يديـرن ونبـقـوا لــو غـلاهـم دام

وراهـم علـى طـول الزمـان اقلـبـى ... نـيـن عالبـقـر ينـقـال يـارحــام

يـرد السـلام ومــا نـريـد بعـيـدة ... تسيـر بيـنـا والا ايسـيـر خـصـام

وعـارف الخطـا لا دبـره لـو بـيـدة ... ولا ايريـد هـك ال امغـيـر اقـسـام

الا امغيـر مـن جـور الزمـان وكيـدة ... يدولـن اعديـك هـن الـى ظــلام

ســـــــلام ايــــقــــول ... ولابـى ايــدز الخـاطـرى مـرسـول

بقولـة انـى قايـس انفـوت الـحـول ... بغيـرك غنـى بالـك انديـر عــزام

خذونـى بخضراهـم ونــا مغـفـول ... من قيت الغوالـى هـل تقـا واسـلام

واثقيـن مايـرضـوا كــلام زلــول ... ولايبـدلـوا بالـصـقـر بـوحــوام

وبالـك الدنـيـا ياعـزيـز اتـطـول ... وبيـنـا اتـصـادر يــوم م الايــام

وتجيبـوا عـذار وعـذركـم مقـبـول ... ونبـات نـا الـى بالـك علـى مــلام

ســــــــلام ايــــــــردة ... لا بجهـر صـوت ولا بـشـارة يــدة

فـى شهادتـك ياعيـن ميـش الـغـدة ... هـذى بعينهـا والقهـر فـأم امـيـام

شبهةميامـيـة هـمـيـل الـصــدة ... غـزال اريلـى عـاشـر البـعـد ورام

مـن تحـت سالـف لوتقـابـل خــدة ... كمـا بـرق فـى غيمـة اخـلاط ظـلام

مـول الخجـل منـه سـفـى مـاسـدة ... فـوق الكتـوف وعالضمـيـر عــرام

عليهـم نبـا جبريـن جـايـب هــده ... نـقـّض اجروحـتـم ومــا يـعـلام

هذول هم اللى مـن حيـن لـى ومـدة ... انفيـت ماعليـهـم مانـقـول كــلام

واسـا اتقولـى طـارى غوالـى عـده ... وكـل يـوم يلفالـك جـديـد غــرام

ونـا انقـولـك عــود الـكـلام ورده ... وكـثـرة لسـامـى اتـوهـم الـدمـام

هــمــيـــل الــــصــــوة ... نلقانهـا فسالـة غيـر تاخـذ ســوة

تحـت الخجـل مـول الجبيـن اصـوى ... فـوق مـن اعيـون الا سـواد ابـرام

مالهـن مثيـل ونـا العـيـن الـحـوا ... الـداء والـردى منـهـا لعيـنـى دام

مـول الشفـاه اتقـول صبغـة فــوة ... دلال خاطـرى ضبـح ابسـرق ابسـام

واترق الغـرض وقتـا اتجـى تطـوى ... لـولا الحشـم خلطـت بـيـن اقــوام

عللـى اتسفـى فـى غثيـث امـلـوى ... ينسـاق عاليميـن وعاليسـار اقـجـام

وكمـا بعيـد يشالـن بــوارق نــوّه ... وهـى ترتشـاق ان قابـلـن لاقــدام

هذيـك هيلـى منهـا قلـيـل امــروة ... وضيـاق بالـى عالـعـرب غـشـلام

والجـرح القديـم اتقـول سايـر تـوا ... ومـازلـت كيفـنـى جـديـد افـطـام

ســـــــلام ايــســـلـــم ... بـرد الـسـلام ولا طــرى متكـلـم

بكلمـة بهـا نـعـرف انــه متظـلـم ... الامـا رمــوز اصـعـاب عالفـهـام

تقول جبـر كيـف انهـا اتريـد اتعلـم ... الـى ماعلـم بالـك اتجـيـه عــلام

ونـا انقـول للـى فـى غثيـث اتولـم ... فـوق مالكتـوف اتقـول ريـش نعـام

مـن شـاة فقـرى مايـريـد ايغـلـم ... ولامغتـنـى تفـقـر كثـيـر اغــلام

اعـــــــداد الــســـيـــة ... علـى ملـك غيـره برضهـا دونـيـة

لـول الـسـادس والـثـلاث بـريـة ... وناقـص الثانـى بالـف مـن قــدام

ونقـص ثـلاث وخـوذ ثلـث المـيـة ... مـنـه وواحــد تتـركـة لـوحـام

هذاك هـو الرابـع بـات فـى اوحديـة ... مـنـه الثـالـث نـافــره مـــارام

عينهـا اتعـوق عيـن ريـم حطـيـة ... حــوة امـواقـى خـزرهـا دمـــام

خجلهـا تعـاكـس فــوق مالكـرديـة ... هضايـب هضايـب غـالـب اللـمـام

سحـابـة ليـلـى عـانـدت قبلـيـة ... امعنـقـد شتـاهـا مزنـهـا شلـظـام

قـدامـه اتبـشـر حــس رعـاديـة ... بناديـر فـى حضـرة صفـاء وهـيـام

والا جـوايـد فــى نــدر صفـيـة ... رفاقـة ايهـدن فـى نـهـار امــلام

وخـدودك براريقـة وصـوت زفـيـه ... اعيـاط السـيـول مــع رعــد زوام

وزعـت اشبـوب ونسمتـا ابحـريـة ... وثــوب زعازيـعـه هــوا بــرام

وجبـة خميـس ومـن نهـار عشيـة ... علـى كـل تيـقـة برقـهـا شـكّـام

يابـن مشيـش ويـا ولــد درعـيـة ... لسمـر بـن سليـم ويـاولـد هـمـام

متوجـه لـرب الكـون مـى بهـزيـة ... بجـاه كـل شيخـا لـه ثنـاء ومـقـام

انعـنـه ارجــاع لوطـنّـا جملـيـة ... بخيـره يعـم وهـذى خيـر اختـام

قصيدة حلوة
مشكور أخي العقوري

شكراً لكي تامي على المرور

» يا الحايسه .......للشاعر الكبير مراد البرعصي
» احلى سلام >>>>>
» قصيدة لا تصالح .. للشاعر أمل دنقل