يا الحايسه .......للشاعر الكبير مراد البرعصي

الشاعر : مراد عبدالحميد البرعصي

منطقة قندوله

[size=16]
يا الحــــــايسه بيــش نلهـــيك = عــلي خــلو دار الغــــوالي
و يا الجـــاظره من ايسهـــيك = اوحدك فى اسمور الليــالي
ويا الــزامقه بيــش نرظـــيك = ونا هذا من الـــوقت حـــالي
وياالتايــــها كي انســــــــــيك = نـين تسحــبي من خــــــيالي
ذكـرت الــــدار اتعمــــــــيك = امواقيــــــك ديما همـــــــالي
ويا البــاكية من ايسهـــــــيك = وانتي ابكاك ما شـــــط والي
ويا امغــونه قول هانـــــــيك = الدار هـــي سبايب هــــوالي
و يا السامره النوم ياتــــــيك = ايمتا او يـــرتح بــــــــــــالي
نـــدعي او مدى أيــــــــــدك = ودعي امعاي ربي العــــالي
***
وانعنا ايفرج عليك ... او نبقو للظحك الطرابه .. وننسو ايام الحنين

ابجــــــــاه لوليه و الصحــابه = وابجاه الرســل و الانبــــــــين
وابجــــــاه كل صديق مــــابه = ايطيع وسوسه من اللعـــــــــين
و ابجاه كل منبــــوت صـــابه = ايصــبح كل من خــلق من طين
وابجــاه الرعـــد فى سحــابه = على عد ما سبح اوهز دكــــين
وابجــاه ما نزل فى اكتـــــابه = وابجاه سر طاها او فى ياســـين
وابجاه كل مــارتل او صلابه = حبيبك محمد سيد الكونــــــــــين
وابجـــــاه كل ما علم اماقرابه = سيدنا علي و الحسن و الحوسين
وبوبكر او ما طمن وما وصابه = في غار ثور امغير هم الاثنين
لا اتخاف و لا تحزن الله حبابه = نا وانت راعينا ارعيت عــــين
وعنهـــم اتحد البيتها كـــــرابه = سمو العنكبوت ابعده بم الـــزين
وابجــــاه عٌمر نبع الخطــــابه = وابجـــــاه فاطــــمه طن او رين
وابجاه من ذكر و حدك حـــــابه = حبيبك محمد شفيع الجمع يوم الدين
وابجاه كل من ذاكر وحدك هابه = وبجاه من اللي وحيك عليه امــين
وابجــاه كل ما جاهد انشره شبابه = ارظاك او كتبته بين علــــــــين
عليك المــوح خاليت اجنـــــــابه = ان تفرج اطيوك الكون يا معـــين
اووســــع عليه هذيك القـــــرابه = الله اوفيك ما تقطع رجا مسكـــــين
ان كلا عزيز انسكرو سرهابه = اقل ارحميته تلاشا غلا وماطك جنيته
ونزيد تطلع فى المهى شرابه = الخاطر خويته ابري لا مدح لا عطار اولا كويته

مشاركتك جميلة
شكرا لك

» مابا ايرد سلام... للشاعر مراد البرعصي
» شن جاي تبي . . . للشاعر الكبير اكرم الكاسح الدرسي
» اقزام البيت الكبير