زعيم المنتدى خلف القضبــــــان

بسم الله الرحمن الرحيم

ها نحن نعود اليوم الي التحقيق مع متهم ليس كأي متهم

انه قائدنا وزعيمنا في المنتدى

السيد الفاضل
Libyan Lion

وهذا الخبر حصري على المنتدى...... بان زعيمة تم اعتقالة

ولذلك بحصريت الخبر .......فانه لا حدود لعدد الاسئلة يعني Infinity ويمكنكم ان تسألوا عزيزي القائد ما تشائوا من الاسئلة

ولا اذكركم بضرورة الالتزام بالادب

والابتعاد عن الكلمات البذيئة ، ومن حق القائد ان يرفض الاجابة علي اي سؤال يريد

ويمكن ايضا ان نزيد من عدد الايام بناءا على طلب الاعضاء

هذه اشارة البداية للبدء في التحقيق

هجوووووووووووووووووووووووووووووووووووووووووووووووووووووووووووووووووم

بسم الله الرحمن الرحيم

عزيزي المتهم كيف ابد
يو مست انسر مي ابوت اني تنغ

1 - نبدا بالمنتدي

A - قولنا الفائدة الي علي اساسها اسست المنتدي

B - ليش اختيارك كان علي الاسم تقنية المعلومات

C - قولنا وين اول مكان كان فيه بداية انشاء المنتدي ومن كان معاك

2 - الدراسة

A - قول اي جمله علي الدراسة

B - شن تبي تخصص طموحك يعني

C - في المستقبل شن ناوي دير في تخصصك متاكد انك راح تخترع حاجة
هضا ادا مبديتش فيها من توااااا

3 - الـعـمـل

كيف ما يقولو المصرية
A - هوا نت بتعمل اية
عمل يعني

B - لو بتشتغل بتشتغل اية

C - عليش تشتغل من الاساس ههههههههه

لنا لقاء اخر ان شاء الله نوتيك اسئلة بس هضينا عاماشي
مو ها ها ها
سلاموز

A - قولنا الفائدة الي علي اساسها اسست المنتدي
أسست المنتدي مش يتلاقو طلبة جميع الكليات وخاصة تقنية المعلومات
ويلم الشباب الليبي في محفل علمي وثقافي

B - ليش اختيارك كان علي الاسم تقنية المعلومات
أسم مميز ونادر أستخدامة لأن أغلب المنتديات خاصة الليبية تجدها ترتكز علي الأغاني والنكت والرياضة
ومتاجاهليين الثقافة والعلم

C - قولنا وين اول مكان كان فيه بداية انشاء المنتدي ومن كان معاك
كنت وحــــدي ودورت أكثر من أستضافة جيدة وتكون مضمونة ودائمة
وبعد عناء طويل وجدتها والحمد لله الأعضاء هم أساس المنتدي والمنتدي جميل بيكم طبعا

2 - الدراسة

A - قول اي جمله علي الدراسة
بصراحة

B - شن تبي تخصص طموحك يعني

تصميم الألعاب الألكترونية

C - في المستقبل شن ناوي دير في تخصصك متاكد انك راح تخترع حاجة
هضا ادا مبديتش فيها من توااااا

أني ندير لعبة تكون ليبية وتنافس الألعاب العربية يلي في السوق

3 - الـعـمـل

كيف ما يقولو المصرية
A - هوا نت بتعمل اية
عمل يعني

مكسد
تصميم لافتات وكروت ومنتديات ومواقع

B - لو بتشتغل بتشتغل اية
نفس السؤال يلي فوق ركز يا أبني معايا

C - عليش تشتغل من الاساس ههههههههه
لأني مكسد بس
فوس فوس فوس

...........................
منور يا مان وعلي قولتك
سلامووووووووووز

مع أني مش فاضي وأنتم عارفيين لكن الله غالب عليا والجاية عليك أنت يا خوي
ORicAigOs
أيوة أنت مانعرفوكش بلكل يعني الجاية لاتصويت لا شئ أنت أنت ههههههه

تحياتي

اوه الزعيم حطوه في القفص
ليش ما قلتولي
يضحك

مش حانضيع الفرصة
خوذلك عالسريع في العظم
س1 : هل أنت لاعب سلة محترف ام لا و كيف تقيم نفسك من 1 إلى 10 ؟ زرقت عليك

س:2 كم تعرف بنت لاغية توة من خلال الأنترنت بس ؟ رشاش

س3: هل أنت تحب ومن هو ومن أين تعرفت عليه ؟ friends

س4 : شن أخر حاجة درتها قبل ما تقمعز عالكمبيوتر توة ؟ nunu0000

س5 : شن داير في الدراسة و ش هوا وضعك توة و أنت توة قريب من التخرج ولا مزال واااااااااااااجد
مع أني عارف الأجابة بس شوية نذالة ؟ تورتة

س6 : عطيني تعليق على كل من

JaPaN_LoVeR

E$$_ToKyo LoVely

الاراجوان

نجمة مضيئة

Tamy

mejoo

TeWy-StAr

س7 :من مطربك المفضل ؟

س8 : وشن أحسن أغنية سمعتها واتحب تسمعها لغاية توة ؟
س9 :شن هو فلمك المفضل ؟
س10 : ما هي أنواع الأفلام التي تحب مشاهدتها ؟

ولنا عودة انشاءالله

بصراحة فرصة لا تعوض
حانحاول انجهز اسئلة Twisted Evil

بس سؤال عالماشي

انت سافرت خارج ليبيا من قبل ؟؟؟؟؟؟؟
ويييييييييييييييين ؟ يصفر

(استعباط) وشن رايك فيه المكان الي سافرتله ؟؟؟ وشن أحلى منطقة فيه ؟ مافيا ...هههههههه

مش واعرة الاسئلة
afro

وانتظر الباقي

لا تضيعوا الفرصة يضحك

الباين ان مدينا هرب
سوف تقوم نظام التحالف الطلابي بالبحث عن المتهم لانه اصبح بطلنا يتخفى في المدن

الباين فيك تحب مسلسل Prison Break
ههههه

اقتباس :: مع أني مش فاضي وأنتم عارفيين لكن الله غالب عليا والجاية عليك أنت يا خوي
ORicAigOs
أيوة أنت مانعرفوكش بلكل يعني الجاية لاتصويت لا شئ أنت أنت ههههههه

ما تحاولش ، المرة الجاية توا نتحالف مع الاعضاء على جابان لوفر

باهي باه

تو انشوفوا التصويت

س1 : هل أنت لاعب سلة محترف ام لا و كيف تقيم نفسك من 1 إلى 10 ؟

كنت لاعب كويس زمان وحققت مع فريقي التحدي بطولة ليبيا أكثر من مرة
وكنت في السلة من وأنا عمري 8 سنوات وسيبت ليا 3 سنوات الأن لم ألعب كرة السلة
وأن شاء الله في أحتمال أني نرجع للملاعب ومستواي الأن أكيدة ضعيف

س:2 كم تعرف بنت لاغية توة من خلال الأنترنت بس ؟
10000000 ههههههه
نبصر معاك راك تصدق
س3: هل أنت تحب ومن هو ومن أين تعرفت عليه ؟

نحب أصحابي كلهم لأنهم غاليين عليا
س4 : شن أخر حاجة درتها قبل ما تقمعز عالكمبيوتر توة ؟

توا كنت أنا و e$$ في شارع عشرين نأكلو في بريوش ومعانا أمير فوس فوس فوس

س5 : شن داير في الدراسة و ش هوا وضعك توة و أنت توة قريب من التخرج ولا مزال واااااااااااااجد
مع أني عارف الأجابة بس شوية نذالة ؟

يا نذالة أنت

س6 : عطيني تعليق على كل من

JaPaN_LoVeR

E$$_ToKyo LoVely

الاراجوان

نجمة مضيئة

Tamy

mejoo

TeWy-StAr

كلهم عسل ونفتخر أنهم في المنتدي وجميع الأعضاء طبعا

س7 :من مطربك المفضل ؟

واجد بس المفضل يعني

2PAC
عندي جميع أغانية ريمكس عادية فيديو ووووو

وطبعا ملك البوب
Michael Jackson

س8 : وشن أحسن أغنية سمعتها واتحب تسمعها لغاية توة ؟

مانقدرش نقولك عندي موسوعة أغاني وكلها حلوة عندي

س9 :شن هو فلمك المفضل ؟

Step.Up 1 & 2

س10 : ما هي أنواع الأفلام التي تحب مشاهدتها ؟

رعب - كوميدي

.............
شكرا تيوي

انت سافرت خارج ليبيا من قبل ؟؟؟؟؟؟؟
ويييييييييييييييين ؟ (استعباط) وشن رايك فيه المكان الي سافرتله ؟؟؟ وشن أحلى منطقة فيه ؟ مافيا ...هههههههه

سافرت تشاد ههههههههههه قصدي أفغانستان فوس فوس

أحلي مكان أيطالينتوووووو طبعا وأحلي منطقة روما عاصمة فريقي المفضل لازيو روما
يسلموووو عليكي المافيا هههههه

يا سلام الزعيم بجلالة قدره وراء القضبان يضحك

بسم الله الرحمن الرحيم
نبدأ الحرب متاعي
1_كم طولك؟ كوووول

2_شنو اكبر عيب فيك وتبي تغيرا يصفر

3_من هو او هي افضل صديق عندك؟ لا أدري

4_اطرف موقف صار معاك؟ ضحكة خبيثة

5_من اقرب الاعضاء الي لبيان ليون؟ومن غير دبلوماسية warda

6_هل انت انسان من النوعية الي يبي روحا الافضل في كل حاجة يعني gun

the best في كل شي ماتبيش حد يغلبك
7_ماهو اكبر ذنب لك فالحياة؟ sheikh

8_من الانسان الوحيد الي ممكن تفتحلا قلبك؟ تورتة

9_شنو اخر اغنية سمعتها؟
10_لو كانت عندك امكانية انك تكون في منصب مهم شنو المنصب الي تختارا؟ فائز

ونكتفي بهذا القدر
اسئلة سااااااااااااااهلة بش تشوف اني طيبة زرقت عليك

1_كم طولك؟

تصدقي معاش قست طولي ليا فترة لكن تقريبا مابين 180 - 185

2_شنو اكبر عيب فيك وتبي تغيرا

أني مانحبش نقرأ بلكل وياريت يتغير العيب هذا فيا مع أني ديما نحب نتعلم لكن القراية لا أطيقها

3_من هو او هي افضل صديق عندك؟

ماعندي صديق معين كلهم أحبابي وأصدقائي وغاليين عليا

4_اطرف موقف صار معاك؟

قصدك مواقف هههههه مره ومش مذكر منهن شئ الحق لأنهن كلهن حلوات
توا نقولك مره ماشي أنا وشباب لزردة الجو قبلها كان حلو وحياه تمام أتفقنا وجبنا العده كلها وبعدها الجو أنقلب صقعوني
عجاج علي ريح علي مطر حتي يلي يبي يوصلنا هرب وماجاناش هههههه مشينا عدينا عدينا في وسط الصقع
طبعا مانحكليكش علي الأجواء بعد المرواحه يلي مرض ويلي معاش شفناه أسبوع هههه أسألي تيوي بس توا يحكيلك عليها
بس زرده فيها جو والله
5_من اقرب الاعضاء الي لبيان ليون؟ومن غير دبلوماسية

والله ماعندي حد معين كلكم غاليين عليا ومانبيش نفقد حد من الأعضاء المميزين لأنكم قعدتو زي عائلتي

6_هل انت انسان من النوعية الي يبي روحا الافضل في كل حاجة يعني
the best في كل شي ماتبيش حد يغلبك

من مايبيش يكون
THE BEST
لكن صعب ومستحيل أن يكون الواحد في كل حاجة تمام لأن كل حاجة تتطور وتتغير
نحن في زمن العولمة
7_ماهو اكبر ذنب لك فالحياة؟
أني مانقراش ههههه
8_من الانسان الوحيد الي ممكن تفتحلا قلبك؟

أكيد أهلي

9_شنو اخر اغنية سمعتها؟

the game & LIL WAYNE -- my life
10_لو كانت عندك امكانية انك تكون في منصب مهم شنو المنصب الي تختارا؟
عميد كلية تقنية المعلومات ههههههههه

نبصر معاكي
أني نكون رئيس شركة EA GAMES أو شركة عالمية في صناعة الألعاب

.................

شكرا لكي دودو علي الأسئلة

تحياتي

JaPaN_LoVeR كتب:: باهي باه

تو انشوفوا التصويت

هههههههههه خاشه بتحدي ، لنشوف حضرة

زعيمنا الغالي اليك بعض من اسئلتي

س1: منذو منتى احترفت الفوشوب ، ومن كل له الفضل عليك في تعلمه ؟

س2: لماذا كان اختيارك للاسمك بهذا الشكل ؟

س3: هل عندك استعداد لزيارة طبرق اذا طلبت منك ذلك ؟

س4: هل انت متظم في الصلاة ، وماذا يكون ردك اذا شخص غلط فيك ؟

س5: انت زعيم المنتدى ، ما الذي تمنيته في المنتدى حتى الان لم يحصل ؟

س6: لماذا لم تجب على سؤالي في مدرسة الفوتوشوب ، مع العلم اني ما نبيش اجابتك (( ماكنتش فاضي ))

س7: من من الاعضاء يستحق ان ينظم الى طاقم الادارة معاك ؟

س8: ما رأيك في استماع الاغاني ، ، وهل تسمع المنشدين امثال احمد ابو خاطر ام ماذا ؟

س9: لكل منا امنيته في الحياة ، فما هي امنتيتك ؟

س10: هل اضطررت مرة الي طرد احد الاعضاء ؟

س11: اذا احد الاعضاء هدد بدخول المنتدى بعضوية المدير العام ( يعني هكر ) ماذا تكون ردت فعلك ، وهل انت مستعد للتصدي

ارجو ان تكون خفيفة عليك اسئلتي

وبارك الله فيك

س1: منذو منتى احترفت الفوشوب ، ومن كل له الفضل عليك في تعلمه ؟

منذ حوالي 4 سنوات وقد تعلمت الفوتوشوب وحدي يعني ( بربشا ) وأطورت لما كنت نشارك في مسابقات للتصميم
وأنا مش ديما نصمم يعني مرات يجني أوقات نقعد حوالي 6 أشهر بدون مانصمم حاجة وهذا عيب كبير يخليك تنسي شوية حاجات
لأنك أذا سيبت التصميم راح يسيبك

س2: لماذا كان اختيارك للاسمك بهذا الشكل ؟

زمان كنت مشهور بأسم
عاشق التحدي بنغازي
لكن بعدها غيرتا للأسم الحالي
LiByAn LiOn
حبا لبلادي أولا وحبا لعمر المختار الأسد الليبي وحبا لنادي التحدي الذي كنت فية
يعني ثلاث عصافير بحجر واحد

س3: هل عندك استعداد لزيارة طبرق اذا طلبت منك ذلك ؟

الحق أنا مش ماشي لطبرق من قبل لكن نتمني أني نزورها أن شاء الله ومنها نتعرفو عليك

س4: هل انت متظم في الصلاة ، وماذا يكون ردك اذا شخص غلط فيك ؟

الحمد لله أموري تمام - أذا كنت أنا غلطان راح أتقبل غلطة فيا لكن أذا كنت مظلوم وغلط فيا نوضحلها الحقيقة ونفهمة وأنا نوعيتي متسامح جدا

س5: انت زعيم المنتدى ، ما الذي تمنيته في المنتدى حتى الان لم يحصل ؟

الحمد لله المنتدي ماشي تمام بدون لا أعلانات ولا تبادلات أعلانية والمنتدي منور بأعضاءة ولولاهم لما تطور المنتدي ولما سعيت لتطويرة لخدمتهم طبعا

س6: لماذا لم تجب على سؤالي في مدرسة الفوتوشوب ، مع العلم اني ما نبيش اجابتك (( ماكنتش فاضي ))

اقتباس :

أسف والله لم ألاحظ الرد أبدا لكن قريبا أن شاء الله راح أعمل الدرس ودرس الزر أيضا
أسف مجددا

س7: من من الاعضاء يستحق ان ينظم الى طاقم الادارة معاك ؟

الأعضاء كلهم يستحقو وكما أنت ملاحظ أن مافيش فرق بين مدير ونائب ومشرف كلنا أخوة وكلنا أعضاء وعائلة واحدة ولا يفرق بيننا لا منصب ولا شئ لأن المناصب أصلا فيها تعب ومسؤولية للمشرف أو نائب أو المدير

س8: ما رأيك في استماع الاغاني ، ، وهل تسمع المنشدين امثال احمد ابو خاطر ام ماذا ؟

الحق نسمع في الأغاني الأجنبية تحديدا - المنشدين نسمع في مشاري العفاسي

س9: لكل منا امنيته في الحياة ، فما هي امنتيتك ؟

أولا تحرير فلسطين أمنية كل عربي وأن ربي يعم بالصحة علي الجميع
أمنيتي الحق أني نكون مصمم ألعاب في شركة كبيرة

س10: هل اضطررت مرة الي طرد احد الاعضاء ؟

لا ولن أفعل ذلك أن شاء الله وحتي يلي غلط تفاهمت معاه بلكل شفافية والأمور تمام لعند الأن

س11: اذا احد الاعضاء هدد بدخول المنتدى بعضوية المدير العام ( يعني هكر ) ماذا تكون ردت فعلك ، وهل انت مستعد للتصدي

أكيد مافيش حد مش مستعد الأيام هذة لكل شئ لأن كل شئ متوقع وعالم الأنترنت لا حدود لة وأنت عارف ذلك
وأنا زمان كنت هكر يعني وعارف أغلب الأمور هذة وماتنساش عندنا جابان لوفر هكره شبكات ههههههه

................
شكرا لك علي الأسئلة خوي

هياااااااااا يا شباب وين اسئلتكم راه موش ديما الاسئلة Infinity

عزعزي المدير

س1: اذا كان X/0=infinty ، فاذا ضربنا الصفر في الانتفنتي الناتج = X ، فكيف يكون الناتج X مع انه المفروض يكون صفر لانه اي شي في الصفر = صفر ؟
س2: لماذا الكمبيوتر لا يكتب كلمة con ؟
س3: هل تعرف ما الذي يميز الرقم 1089 ؟
س4 : كيف يتم اظهار الرقم في الالة الحاسبة ، عن طريق بـseven segment ؟ او اي رقم الكتروني ؟
اذا انا دخلت حرف A من الكيبورد فماذا يفهمها الكمبيوتر ، وباي نظام من الاعداد يتم برمجة المايكوبوسيسور ؟ وباي لغة برمجة ؟
س5: ما هو اكثر اكتشاف (او اختراع ) ساهم في تقدم الكمبيوتر ؟
س6 : كلمة NEWS تعني الاخبار ، فما هي الجملة المختصرة منها هذه الحروف ؟
س7 : اخيرا ً ، هل تحب حرف الذال في الكيبورد ؟ ولماذا ؟

عزيزي حبيت نغير نوع الاسئلة لحكمة في نفسي

ان شاء الله كنت خفيف عليك
وانتظر الباقي لاحقاً

س. ماهو الرقم المفظل لديك ؟
س. ماهي الآلوان المفظل لديك ؟
س. اجمل موقف في حياتك؟
س. ماهي الصفات التي تكرها في المراة والرجل ايضا؟
س. ماذا يكون شعورك عندما يخسر فريق امام الفرق التالية
يوفنتس - روما - ميلان - الانتر
س. ماهي افضل مراحل الدراسة . الابتدائية .الاعدادية. الثانوية.الجامعية. ؟
س. ماريك في العادات والتقاليد الليبية ؟
س. اختار فريق كرة قدم من اعضاء المنتدي ؟
س. من تختار بعدك في كراسي الاتهام ؟
س.ماذا تقول للشاب الليبي والمراة الليبي ؟

س. اجمع الحروف يلي بلون الحمراء علمنا بان اول حرف راء واخر حرف ك ؟

وينك يا مدير

يا عزيزي يا مدير المنتدي
لا يتم الانتقال على ملف جديد طالما لم تنه اجابة بقية الاسئلة

أخي أوريغايغوس

المدير قالك من اول مرة حطيت الموضوع ان ما انصوتوش ضده
لأنه مش فاضي ايجاوب على الاسئلة ...وانا غلطانة اني صوتت ضده ومارعيتش انشغاله

فياريت نطلب منك تفتح تصويت جديد ضد عضو جديد مراعاة لظروف المدير

سلام

تم فتح باب تصويت جديد يا جابان لافر

موضوع: شنو زردين في الزعيم 2009-05-27, 21:37

سلام
نبي نقول شي واحد (خفو علي الزعيم اشوية) بس

[b]

اصلي اصلي والله يا زعيم king

انشاء الله ربي يفرج عليك وتطلع من هذي المحنة حلوةةة

الزعيم خلوه فى الحبس احسن