alagore عضو مميز جدا
عدد المشاركات : 384 العمر : 35 نقاط التميز : 10 عدد الأوسمة : 1 البلد : الحالة : الهواية : أوسمة المنتدي :
| موضوع: قصيدة ولد الأجواد . . . للشاعر عبد السلام بوجلاوي 2009-02-14, 13:29 | |
| ولد الاجــــــــــــــــــــواد
الشاعر :عبد السلام بو جلاوى
مواير ولد الاجواد لك نوصفا *ان كان رافقك تلقا عليه دليل ان حدث صدق وان كان عاهد وفا *وايشيل الصليبه فوق حمل ثقيل وان فيها برم بسياسته تصفا * ان خاضت وحاست حوسة التبتيل وايدير عليك ان حالك شفا * وان كان عاندك تنظر امعاه الويل اعده صفهم خاسر ورابح صفا *وان صار سوق مقبوضه فراسة خيل الاجواد فى الكروب اتبان بموافقه * امنيين المعلق فى نهار الشيل معلاقه دقيق ايطيح واين اتهفه *ان تمت الريح مصادره الرحيل واللى مو اموالف عالصلوب اتخفا * تغلب وبات امبات قبل الليل ولاخر امصولب لا تعب لا غفا * وعنده الميه ميل كيف الميل من عيله اتهون العمر دون شرفا * وفيه غيرهم فرط بشى قليل طريق المطامع يا صاحبى امحرفا*ان جاك الزمان الصبر راه جميل اخيار ما عطا عبده عطاه العفا *الخالق اللى بالرزق هو الكفيل اتبيين اعيوب الناس واتنظفا * يقولوا العازه للرجال غسيل فيهم جميع الخافيه تكشفا *ان صار كرب ما يصمد الا الاصيل شديد عزم لا يضعف ولا يتهفا * يصمد امام الدايليين ان ديل وان كان دال لا يحقد ولا يشفا *ويرحم ان جاه عزيز قوم ذليل ليام كفتين ان كان زادت كفه *على وزن كفه عندهن تمييل وان كان استوت فى ثقل والا خفا *تقادن وصار لو ضعهن تعديل الدنيا غرورهما ايدوم ترفه *لا ترتبط بالفانيه بالحيل احيا نا هناها بالشقاء اتكفا*واوقات النكد بالفرح فيه اتزيل والا انجت عليك تحزن واتقارفه * والا معاك ضحكته عليك اتخيل وهذه نصيحه فى علل مقفا * خذتنى بعيد وما تريد اتطيل تعاود على مضمونها وهدفها * فضايل ضنا الالجواد بالتفصيل الاجواد عرقهم حتى ان صارت جفا*ايطول فى الثرا يصمد زمان طويل خير من بعض مالتمر طيب حشفا*لجود انخلتهم غالبه النخيل لجواد للغريب اللى اصداره دفه * من غبر رفعمال ابيوتهم هوتيل وابيارهم منافز مالعطش فالنفه * لعابر السبيل امشرعات سبيل وكلمة اجوادى راه مورادفه* انسان شهم صادق قول ومفاعيل وان صار تقص من الخلفه اللى خلفا *لحوال اتغير بين جيل وجيل احيانا بزين اتفوت زين سلفه*تردع بطبعه لولى وتميت ومرات تحدث للعقابى شفه * حتى لرض صارلنيته تبديل ولكن بها بلكل اللى تعرفا * الراس راس مايخلف مكانه ذيل السيل جرته فى الرخى ماتخفا * وخلقة اخيار الناس جرت سيل ومارة الربيع اللى قعد فالرفه* مع فم البيتيشاهد الزغليل ومهما الزمان تسيرله من لفه* الزين زين ديمه والنذيل نذيل وحتى لو اضعف لشقر امدورم خفه * وطاح مالجفا فوق الوطا هزيل هشيمه عظامه وماتجى فالقفه * والشاه لو تقوت مالحمل تشيل | |
|
LiByAn LiOn المـديـر العـــام
عدد المشاركات : 3900 العمر : 37 البلد : الحالة : الهواية :
| موضوع: رد: قصيدة ولد الأجواد . . . للشاعر عبد السلام بوجلاوي 2009-02-14, 15:57 | |
| شكرا ليك أخي الكريم وننتظر جديدك تحياتي | |
|
alagore عضو مميز جدا
عدد المشاركات : 384 العمر : 35 نقاط التميز : 10 عدد الأوسمة : 1 البلد : الحالة : الهواية : أوسمة المنتدي :
| موضوع: رد: قصيدة ولد الأجواد . . . للشاعر عبد السلام بوجلاوي 2009-03-04, 03:27 | |
| | |
|