::, جو اعيه بكل..امتى نبوا نتطوروا ::.

السلام عليكم

لي خلاني نكتب الموضوع هو لي صار معاي اليومين لي فاتو..
انا مشترك في النت من خلال dsl..
و الكل يعرف ان لازم يكون عندك تلفون ارضي عشان دي اس ال..
لكن الصراحة التلفون الارضي ازززززمة مانحكيلكم عليها بكل..كل مرة عطلان من جيهة
اليومين لي فاتو عطل التلفون..و السبب ان تلفوناتنا مزالوا معلقات على الاعمدة و عرضة للقطع في اي وقت
وهضا لي صار معاي..امخطم بطاح كبير يومتها يمشي يشيل خيوط التلفون وانقطع تلفونا

وقصة الخيوط..كل مرة اقعد رقع فيه..و بعدها طوحة و اشري واحد جديد..و هضا كله
راجي امتاع البريد لما تشري خيط تلفون يجئ ايركبة..و كان ماعندكش واحد تعرفة..رحت فيها.. يخبط في راسة

الناس الاخرى عندهم الجو هضا كله تحت الارض..وماتفكر لا في خيط لا قطع لا شئ..وزيادة توة عندنا الحكاية شتاء ومطر..
سلملي عل بطنجال
بيقعد كل مرة جايك عطل من مكان

الصراحة ماتعرفش تبكي ولا تضحك و لا شنو ادير

ربي يكون في عونا..ونطوروا زي باقي الناس

كلامك صاح يا ميجو بس فى بعض مناطق بنغازى عندها الخيوط تحت الوطا

و الله مشكلة نحن ما عندناش حاجة كاملة بكل

الله المستعان وخلاص يا ميغو

عندك حق

بس عارف حتى لو كان الخط تحت الوطا مرات يجو يحفروا وهكي يقطعوه لك بعدك حشيشتهم الحفير

ومافيش خيرلك من الريفي

والله ازمة مش طبيعية نحنا الارضي لما اتولع النت خوذلك عالتشويش ماتسمع شي يعني تضطر اتفك النت والي قاعد عالجهاز يرمي روحا فالبحر عادي
رسمي ربي ايعينا

وين ماشي
تبي تطور
تهايالك

::, جو اعيه بكل..امتى نبوا نتطوروا ::. Af163e2bc0

صدقني حتى تحت الوطا ما يريحوك
الحفر ماشي في دمنا

هههههههههههههههههههههههههههههه
باهي عل الاقل واصلكم الارضي نحن لنا اربع سنين انتفرجو عل الايصال انتاع الخط ومزال مافكروش ايديرو خط شورنا

هههههههههههههههههههههههههههه
ما نحكيلكش على القصه الحزينه امتاعه ارضينا نحنا وشارعنا كله في حكه وحده وكل يوم ناقز ولد جيرانا في الحطه دار روحه يصلح يفصل خيط واحد من الجيران واتك
بس يلا على اهو لعى وشك الهوا وقف
جت غير على التلفونات كل حاجه عندنا جو فلينستون