البنات البنات اغرب الكائنات

ملا حظه ......ايتها البنت يجب أن تثقي بنفسك.. وإذا لم تثقي بنفسك فمن ذا الذي سيثق بك.
بسم الله وعلى بركة الله نبدا مشوارنا بالضحك والفرفشه

البنات كائنات غريبات.. ..ومن حياتهم شاكيات

سواء كن مراهقات او شابات او متزوجات.. وحتى وهن عجوزات عليهن السلامات


لا يعجبهن الحال ولا الزواج في شوال..من يطاوعهن حتما سيصاب بالهبال

وسيشجع النصر بدلا من الهلال



وهي في الثانوي تقول متى اترك المدارس وشدتها واروح للجامعه

كل شي ممنوع اللبس و الجوال والمكياج




اذا راحت للجامعه قعدت تشكى من بعد المسافه والجداول الملخبطه والاساتذه المغرورين والمغرورات

و تتشكى من الامتحانات والبحوث والواجبات وقومة الصبح


واذا تخرجت وماتعينت مباشره وقعدت لها في البيت فتره طالت او قصرت

تتشكى من وقت الفراغ والملل والطفش..ويقلب تشكيها على اهلها وانهم ما يروحون الا لاستراحتهم




واذا توظفت تشكت من قومة الصبح ومن طبيعة العمل وانه ما يتناسب مع طموحاهتها

ان عينوها مدرسه تشكت من مشاكل طالبات ومن التصحيح والتحضير

ومن وعدم التقدير من من وزارة التعليم وتتمنى انها موظفه في بنك..



وان توظفت في بنك تشكت من طول وقت الدوام والعملاء المزعجين وتقول مالقاها الا المدرسات
اجازات ودلع وتداوم لها 4 -5ساعات وتروح بيتهم





-ان تأخر زواجها خافت من العنوسه واتعبها كلام الناس ..وانها ودهها تتزوج حتى لو كان الزوج

اقل من طموحاتها بكثير مهوب شفاحه لكن علشان تسكت الناس



وان تزوجت واحد مطوع قالت الله يهديه كل شي حرام لا لبس ولا روحات ولا جيات

والدش ممنوع والسفر لغير ابها والدمام ممنوع


وروحاته كثيره ووقته اكثره لطلب العلم او نشره..




وان تزوجت واحد حبوب ووش حليله ودايم معه ومدلعها وكله ينقط رومانسيه وحنان

وما يناديها الا يا عمري يا روحي يا تعالي هاهاها

ومخليها على كيفها تلبس اللي تبي وتروح وتجي على مزاجها

ومهوب راعي طقاق ولا رفعة صوت .

تشكّت من ضعف شخصيته وانه ما يهش ولا ينش وانها ما تحس برجولته..

وتقول ..وشذا ..مقابلني 24 ساعه حتى حامت كبدي من كثر ما يردد كلمات

قلبي وعمري وغامدي هاهاها

احلى شي الزوج اللي يقول لاالزوج القوي الشخصيه الزوج اللي يزأر كالأسد في عرينه

الالي اذا ناظرني بعينه من الخوف رحت اسوي له هريس حتى لو اني توني معشيته مرقوق



وان تزوجت واحد قوي الشخصيه وما تطلب منه شي الا بعد ما تبولع ريقها الف مره..

قالت وش ذا العله الله يخلف علي بس متسلط وكل شي بمزاجه وكني خدامه له

ما يراعي مشاعري واحاسيسي وحتى اسمي ما عمره قاله

ما يناديني الا وينتس ووجع وينتس وطاعون وينتس الله يقلع من خطبتس ويقلع الحريم كلهم





وان تزوجت واحد عاقل ما يشرب لا منكر ولا تتن ولا حتى بيره موسي خخخخخخخ

وما يسافر للدشره لكنه مرتبط باستراحه ليلة الجمعه مع شباب

قالت هذا الزوج السعودي اهم ما عليه الاستراحه وراه ما يقابل بيته وعياله

مع انه باقي ايام الاسبوع معها واللي تبيه منه تلقاه

وان كان نفس هذاالزوج توه بادي حياته وتحتاج انها تكافح معه شوي لين يملكون بيت وتتحسن احوالهم

قالت يا شين اللي تتزوج واحد توه يكون نفسه وياشين السكن في الشقق والادوار ضيق
ومافيه خصوصيه

لو الواحد ي.شسمه سمعوه الجيران

والقهر الفلوس تروح للاجار وحالتن حاله ياحظ اللي يملكون بيت ملك

واذا مرت السنوات وبعد صبر وتجميع قريشات وديون وعمروا فله

قالت يا شين اللي يعمر فله وهو مهوب قادر يأثثها زي الناس

والفله تبي شغالتين وذا الرجل الله يخل علينا مهوب قادر يجيب الا شغاله وحده لا ونيباليه بعد

-وان تزوجت غني قالت انا ابي زوج يقعد معي ونطلع مع بعض ونسهر مع بعض

مهوب زوج ما اشوفه الا مرتين في الاسبوع والباقي اسفار واشغال

وان قعد معي ما يوقف من التلفونات غير التفكير في اشغاله وحالاله

وانا طفشت وملليت من مقابل الخدم والشغالات ومشاكلهم وملليت من الروحات للاسواق ومن السفر بعد

ملليت من كل شي ابي زوج يقعد معي ويحبني ويعيشني في جو رومنسي كله حب حنان






ان تأخر الحمل بعد الزواج لو 6 شهور قالت وش بيفكني من اسئلة اهل زوجي ونظراتهم

وتبدأ تحوس على العلاجات الطبيه والشعبيه لو يقولون لها كلي لهوم تربه طينيه على فكة الريق لهمتها






ان حملت على طول بعد الزواج قال يووووه ما تهنيت باحلى ايام الزواج

واخاف اني استعجلت وانا ما بعد وثقت فيه ولا عرفته زين

وقهر بعد ان ملابسي اللي تعبت اختارها يا بيزود وزني والا بتروح موظتها وفي الحالتين بذبها

وبدت تتشكى من الحمل والتعب والوحم







واذا ولدت وجابت ولدت حملت مره ثانيه بسرعه علشان تجيب بنت

وان جابت اولاد قعدت تحمل لين تجيب بنت

وان جابت بنات قعدت تحمل لين تجيب ولد

واذا جابت 3اولاد و3 بنات.. استمرت في الحمل مهوب حبا في العيال لا علشان تربط الرجال ما يعرس عليها





واذا كان زوجها يحب اكل البيت قالت ذا الرجّال قروي ما يحب الا الرز والاكل الشعبي

وان كانه راعي مطاعم قالت والله قهر ما يبي طبخي لو انه طبخ هندي مخيس والا تركي مشعر كان جاز له




وان كان زوجها يهتم بشكله وجسمه واناقته..قالت مدري عنه وشفيه يتحلس ويتملس

شكله راعي خنبقه والا معرسن علي مسيار


وان كان زوجها دب ومكرش و متدعثر ..شماغه يستخدمها شماغ ومنديل وكمام عن الغبار وفوطه

ومقاس فنيلته اكس اكس اكس لارج لكنه يلبس ميديم وبالتلي يبثع سره من تحت الفنيله

(يبثع يعني يبرز بشكل مقرف)


واخر عطر اشتراه هو عطر سفاري ههههههههههههههههههههه

قالت هذا هو الزوج ليبي لا جسم ولا شكل ولا لبس..ما لقاها الا حريم ايطاليا والمان

مزبوط كلمك ...............