..:: انــقــذونــي يــا مــعــشــر الآيتيين ::..

انا برأي خش ميكانيكي لان مجالها اوسع وقرايتها احسن
مع اني انا كهربي

بصراحه انا افضل كليهة الاي تي عن الهندسه و بالعكس كليتنا ساهله و حتى نظامها كويس بكل و انا الان كيف طلعت من السمستر الرابع تخصص شبكات و بصراحه استفدت منها واجد و متريح فيها اخر ارتياح ....
طبعا خاطي التكعيب من العلوم للهندسه
بس و الله كويسه و حتى موادها متنوعه و ممتعه
و كان تبي راي الشخصي انا افضل الاي تي
و لكن يضل الراي رايك و الرغبه رغبتك

only god will judge me كتب:

السلام عليكم يا أخي
أنا من طلاب تقنية المعلومات و توا كملت السمستر الرابع
خليني إنقولك لعند توا شن شفت
أنا من جهتي انحب البرمجه واجد و خليني انقولك ما فيش قسم يخلو من الرياضيات
إذا مش مادة تخصص فهي ماده عامة
أما بالنسبه شن تعلمت لعند توا
فللأسف لعند توا ما شفت شي
وانحس المواد حفظ و خلاص
و المعلومات اللي نعرفهن ع الكومبيوتر ,نعرفهن يا إما من النت أو التلفيزيون أو بواسطة البربشه المستمره
و هذه بصراحه حاجة اتزعل

و القسم هذا من جهة ساهل هو ساهل بس مش معناتها ان انت ما اتدرش جهد
إذا كنت تبي معدل ضروري ما تقرأ

وأنا آسفه طولت عليك في الكتيبه
بس إنت شوف شن ميولك
و إذا كانت الهندسه الميكانيكيه ميولك
ما اتخليش الرياضيات يوقف في طريقك
لأن موجود في كل تخصص
إنت شد حيلك شويه و ان شاء الله خير

موفق

الغريب كتب:

انا برأي خش ميكانيكي لان مجالها اوسع وقرايتها احسن
مع اني انا كهربي

بس قالولي صعبه بكل بكل ، وتبي قرايه يوميا ، والنظام هذا مش نظامي

JaPaN_LoVeR كتب:

تقنية المعلومات حاجة كويسة

لكن كليتنا مش كويسة ، ما تطلعش بحاجة

كل حاجة بروحك تقراها ، والمنهج مس ساهل

يبي قراية كويسة .

وعلى ما اعتقد هندسة ميكانيكا احسن

Itachi كتب:

بصراحه انا افضل كليهة الاي تي عن الهندسه و بالعكس كليتنا ساهله و حتى نظامها كويس بكل و انا الان كيف طلعت من السمستر الرابع تخصص شبكات و بصراحه استفدت منها واجد و متريح فيها اخر ارتياح ....
طبعا خاطي التكعيب من العلوم للهندسه
بس و الله كويسه و حتى موادها متنوعه و ممتعه
و كان تبي راي الشخصي انا افضل الاي تي
و لكن يضل الراي رايك و الرغبه رغبتك

أوكي أخي أنا انقولك شنو قصة التكعيب
إن يكون عندك محاضره في العلوم و بعدها تبي تمشي للمحاضره اللي قاعده
في الهندسة و انت و شطارتك في الجدول
في وحدين كان عندهم محاضرة ساعة في العلوم
و بعدها على طول محاضرة ساعه في الهندسه
فكر كيف اتدير في الحمو

آه و الرياضيات سمسترين مش واحد
و في فيزياء

آخر الاخبار .. خشيت كلية تقنية المعلومات .. ولعند توا منهج ساهل جدا جدا ماعدا الكالكالوس فيها شوية صعوبة

لكن كلية فيها جو .. غار كان يديرولنا مكان نقرو فيه

الآي تي مسميينها لا مكان لا وطن

والله اولا ان شالله ربي يوفقك فيها

بس تعرف انا اليوم بس شفت الموضوع هذا وبصراحة ياريتني شفتا من قبل

في معلومة محدش عطاها لك وانت كان سؤالك يدور عند نقطة وحدة انك تدور في كليه ساهله بس السؤال والمعلومه اللي المفروض سألتها انك شن بتطلع لما اتخرج انت بحتت في الساهل وبحتت في عدد السنين

لو اناحنعطيك رأي واحد بس انك المفروض اخترت كليه الهندسة لأن من قالك ان الهندسة رياضيات زي ماقالتلك اونلي راهو العام لازم منها


شوف اخي لو عندك وقت ياريتك اتخش هندسة قسم مدني صدقني متبحتش في كلام اي حد ولا تشوف تجربة غيرك انت تجربه لوحدك


انا مهندسة مدنية ونشتغل ليا فترا طويله الحمد لله
اللي لازم تعرفه ان المهندس المدني الرجل بالذات مطلوب بشكل رهيب احنا نعانو من النقص وفي كل قطاع وتعرف ان المهندس المدني الشركات الخاصة تطلب فيهم والعامة

صدقني ماتبحتش في الصعب وعدد السنين بحت في مستقبلك شن بتقعد بعدين