عدد المشاركات : 3900العمر : 37البلد : الحالة : الهواية :
موضوع: العناوين في ليبيا ( كيف تصف منزلك ) واقعنا 2010-05-31, 20:21
السلام عليكم جو جو شوف حالنا ^_^ نيويورك المتصل : الو... 911 911: يس نحن معك... ماهو بلاغك? المتصل: حالة اقتحام منزل من قبل مجرمين مسلحين 911: حدد موقعك? المتصل : 15 شارع مانهاتن منزل رقم 21 911: إهدا.. سنكون هناك خلال دقائق --------------------------------------------------------------------
لنـــــدن المتصل: هالو.... الإسعاف الإسعاف: نعم... أي خدمة? المتصل: الحقوني .. هيلب مي !! اشعر و كأني سوف أصاب بسكته الإسعاف: حدد موقعك? المتصل : مايفير ... 12 شارع كوينز واي الإسعاف : إهداأ سيصلك العون بسرعة -----------------------------------------
القاهـــرة المتصل: الوووووو.... بيتزا هت بتزا هت : نعم معك... أي خدمة? المتصل: ازيك يا باشا? بيتزا هت : اختصر يا بيه... اي خدمة? المتصل: بليز.. عاوزين 2 بيتزا سوبريم حجم كبير بيتزا هت : عيوني يا استاذ انت تؤمر المتصل: الله يخليك يا باشا بيتزا هت: العنوان يا بيه? المتصل: المهندسين... 9 شارع لبنان بيتزا هت: ثواني و يكون طلبك عندك يابيه -------------------------------------------------------
طرابلس المتصل : الو... المطافىء... الحقونا المطافىء: اهلين خوي... يا خوي شويه شويه.. شنى فيه المتصل: نار نار... حريقه المطافىء: كأنك قلت شيء جديد.. عارفين انها حريقه... المتصل : بسرعة.. الحقوا... اهلى كلهم في الحوش المطافىء : لا تخاف .. تعرف سبب الحريق؟ المتصل : شني عرفني.. بسرعة المطافىء: باهي اعطينا عنوانك المتصل : انا .. انا... في تفرع من شارع المطبات المطافىء: وين؟ المتصل: وين... انقولك.. تعرف جامع البيرة المطافىء: وينه هذا ؟؟؟ المتصل: طيب يا خووي تعرف الاداعة ؟ المطافىء: لا.... لحظة نسال عليها...... المطافىء بعد دقايق طويلة : لا .. ما حد يعرفها... يا وخوي قولنا مكان معروف المتصل : باهي... تعرف قاعة الشعب؟ المطافىء وين تحديدا.. ..وين من الكوبري؟ المتصل:: جاي بالكلام يا بووي... تعرف جامع بوشحمة؟ المطافىء: ايوا نعرفه .. وين من حوشكم؟ المتصل: و انت جاي و نازل من الكبري.. امشي لين توصل معمل النخلة.... وبعدها فوت السمافرو الاول نفس الخط ... المطافىء: وبعدين.. كمل المتصل: باهي ... لما تزيد القدام تلقى السمافرو الثاني المطافىء: سمافرو ابوشعالة المتصل : ايوا خش على اليمين و اسال على السوري.. المطافىء: السوري شني؟ المتصل: السوري الكهربائي المطافىء: باهى .. كمل يا بوي المتصل: لما توصل للسوري.. حتشوووف شجرة كبيرة متاع حوش المرحوم ؟؟؟؟؟؟... خش من الفتحة هدي.. و بعدها تشوف حوش احمر المطافىء : احمرفاتح او داكن؟ المتصل: ووووه خيرك معايا.. تعالولنا يا ناس المطافىء: تي باهي خيرك ادف قولنا وين حوشكم؟ المتصل: وين وصلنا؟ المطافىء: عند الحوش الاحمر المتصل: ايوااا ... بعدها لف يمين في يسار.. حتشوف الحوش ينحرق...هذيا هو حوشنا المطافىء: وين ؟؟؟ وين من حوش 'حمد' متاع ايجار السقالة ووديع؟ المتصل: ايوا.. انتا تعرفهم؟ المطافىء: كيف ما نعرفهمش.. كنا صغار حارة وحدة ايام زماان.. وديع صاحب المرسديس الكحلة المتصل: هاذو جيراننا.. حوشهم قدام حوشنا المطافىء: خلاص.. توا انشوفلك لو الشباب موجودين نبعتهملك من المفاجأة بسبب الرد صاحبنا قعد ساكت لمدة دقيقة بعدها المتصل: اسمع ... راهو الحوش طاح على اهلي.. ابعتلنا الاسعاف المطافىء: كل هالخضة على خاطر تبى اسعاف.. يا بويا.. هذي مطافىء... اتصل على الاسعاف واطلب لك سيارة... تشاو .. الله يتولاك برحمته المتصل بسرعة: الو الاسعاف الاسعاف: نعم.. خير.. المتصل : نبي سيارة اسعاف.. الحوش نحرق على اهلي الاسعاف: باهي .. وين حوشكم؟ المتصل : لا حول و لا قوة الا بالله تعرف حوش حمد متاع ايجار السقالة؟ الاسعاف: لا... منوا هذا؟ المتصل: باهي تعرف حوش منو في شارع البيرة؟ الاسعاف: نعرف حوش عيت ؟؟؟؟؟؟؟ المتصل : من هما ? الاسعاف: بيت 'الدكتور ؟؟؟؟؟؟؟' المتصل: غيرهم.. ما نعرفهم الا بالشكل الاسعاف: عيب عليك.. صغار شارعكم ... باهي وين من بيت 'الحاج ؟؟؟؟؟؟؟' المتصل : عليك نووور..... انت اوصلهم .. وحوشنا وراهم على طول.. حتشوووف اثار النيران و الدخاخين في كل مكااان الاسعاف: اوكي .. ان شاء الله حيكونوا عندك المتصل: لحظة الاسعاف: شني?? المتصل: تعرف على اي رقم نتصل لو كانت عندنا حالات وفاة ؟؟؟
فهمتم الموضوع ؟؟؟ لو طلبت منكم توصفوا لي بيتكم في سطر او سطرين... هل تقدر توصفه بحيث اني ما اضيعه !؟؟ سوف تكون محظوظ جدا اذا كنت تسكن بجوار كوشة معروفة أو مطعم معروف جدا او مستشفى خاص كبير
ليش ماعندناش نظام ترقيم الشوارع وهوا من أسهل أساليب الوصف ولا تكون عندنا منظومة كويسة زي العالم والناس تحياتي لكم الموضوع منقول للأمانة
موضوع: رد: العناوين في ليبيا ( كيف تصف منزلك ) واقعنا 2010-05-31, 22:55
من اجمل ماقرأت اليوم بجد بجد موضوع توقف عنده صح احنا لما نبو نوصفوا مكان صعب بكل يعني تخيل اللي يسكنو مثلا فالسلماني السلماني نحس فيها منطقه كبيرة ولو تبي توصف حتى الشوارع كلهن يشبهن لبعضهن وحتى اغلب مناطقنا يعني نقعدو نوصفو احذا الجامع الكذا احذا محل كذا لما يتغير المحل شن نديروا والله حتى انا منحبش نوصف نقعد انقول الشارع اللي بين كذا وكذا وطول وعل يمين بجد قصه شكرا لرقي الموضوع
LiByAn LiOn المـديـر العـــام
عدد المشاركات : 3900العمر : 37البلد : الحالة : الهواية :
موضوع: رد: العناوين في ليبيا ( كيف تصف منزلك ) واقعنا 2010-05-31, 23:27
شكر لمرورك الحلو مون المشكلة الأكبر الأن هي أزالة لافتات المحلات حتي لما تبي توصف توا ماتعرفش *_*
حالنا يضحك ويبكي ^_^ واقعنا واقع حلو ومن ليبيا يأتي القديم والجديد معاً
del4r4_48 عضو مميز
عدد المشاركات : 279العمر : 34نقاط التميز : 30عدد الأوسمة : 1البلد : الحالة : الهواية : أوسمة المنتدي :
موضوع: رد: العناوين في ليبيا ( كيف تصف منزلك ) واقعنا 2010-06-01, 18:06
موضوع راائئع ومهم جدا وكلامك عين العقل بس وين الي يسمع ويدير حل لواقعنا المرير
only god will judge me عضو أساسي
عدد المشاركات : 1408العمر : 33نقاط التميز : 105عدد الأوسمة : 2البلد : الحالة : الهواية : أوسمة المنتدي :
موضوع: رد: العناوين في ليبيا ( كيف تصف منزلك ) واقعنا 2010-07-24, 14:45
هههههه و الله معاك حق يا مدير أنا بروحي ما نعرفش وين نسكن
شكرا ع الموضوع المميز تقبل مروري
الغريب عضو أساسي
عدد المشاركات : 777العمر : 33نقاط التميز : 75عدد الأوسمة : 1البلد : الحالة : الهواية : أوسمة المنتدي :
موضوع: رد: العناوين في ليبيا ( كيف تصف منزلك ) واقعنا 2010-07-24, 16:05
تاريتني محظوظ وانا مش عارف شكرا على الموضوع
رضا مشرفة الحوار والنقاش
عدد المشاركات : 995العمر : 35نقاط التميز : 60عدد الأوسمة : 5البلد : الحالة : الهواية : أوسمة المنتدي :
موضوع: رد: العناوين في ليبيا ( كيف تصف منزلك ) واقعنا 2010-07-25, 02:51
هههههههههههههههههههه والله موضوع خطير فعلا تبيلنا 3سطور والا 4عشان نوصفو حوشنا منور يامديرنا عالمواضيع اللي لها قيمه
Itachi عضو مميز
عدد المشاركات : 184العمر : 32البلد : الحالة :
موضوع: رد: العناوين في ليبيا ( كيف تصف منزلك ) واقعنا 2010-07-25, 03:12
و الله كلامك صح نذكر مره حوش جيراننا انحرق و بعد ما اتصل واحد من الجيران بالمطافي كذبــــــــــــــــــــــــوه و بعدها لين طفوها الجيران و بعدها جو