شن رايك في طالبة تقنية المعلومات IT

السلام عليكم ورحمة الله تعالى وبركاته

بعيدا عن الشفافية والمجاملات وفي هذا الصرح نطرح هذا الموضوع

لكي يتقدم اي شخص ويدلي بي رايه الذي يخص طالبة تقنية المعلومات

كل شخص فيكم يقول راية في طلبة تقنية المعلومات على الصعيدين الطالبه والطالبة

ونحن نقل اي راي المهم بعيدا عن المجملات او الابتلاء

انا انتظر تفاعلكم في الموضوع

ما فهمتش

بس هم كيف طلبة اي كلية

مافيش فرق

شكرا عالمرور

خارج النص الموضوع مفهوم من عنوانه

اختي يعني هل هم طلبه سامطين فيهم جوا امطرشقين

في ناس هكي وفي ناس عكس

انا عن نفسي كلهم تمام امعايا بس فيهم واحد او اثنين سامطين بس عادي تقدر اتفوتهم

في الصالح وفي الطالح

بس شلتت واجدين مع احترامي لك

بني ادمين

اتصدق اول مره نعم ان طلبة itبني ادمين

كل حد ورايا

هههههه
سوري خوي عالرد السريع
اصلا ملقتش رد خاطي هظا
شن رايك في طالبة تقنية المعلومات IT 83957

اها لا ديما رد هكي ردك يليق بيك لانك مشرف تقريبا عادي كلا واحد

شن رايك في طالبة تقنية المعلومات IT 814251

احسن طالبات طالبات الاى تى
بس الطلبة فى هك وهك

شكرا لك عالمرور وشكرا ايضا على شكرك لنا

انا معلش اصلا كليه تقنيه المعلومات عطتني عليها فكرا سويت وبصراحة زعلت لاني مش سامعا عليها ممكن مفش حد قريب ليا يقرا فيها بس انا نبي نمشي للجامعة وقررت لازم نمشيلها عندي نيه بكل نمشي مع ان الجامعة اخر مرا خشيتلها ف 2005 ان شالله نمشي بيش نشوف كليه تقنيه المعلومات مخصوص بس نخليهم نين يبدو لاني سمعت انهم معطلين
بعدها نعرف الطلبه

والله طلبه متوسطين لاهم هكي ولاهم هكي
بس أغلبهم اكويسين ان شاء الله

بس موون نبي انذكرك ان نحن الطلبه ما عندنش مقر

كيف طلبه معندكمش مقر؟؟؟؟؟؟؟؟؟؟
مفهمتش لان قالولي قاعدة في كليه العلوم ؟؟؟؟ ولا انا مفهمتش من سويت كويس يعني ؟؟؟

اها يا موون ما عندنش مقر " لا مكان لا وطن " نحن ناخذوا في كلية العلوم ومرات في الهندسه قسم الكهربي وانا نحكي عالمحاضرات .. وفي أوقات الفراغ ما عندنا وين نقعدوا بس بارك الله فيهم جماعة الكهربي ما يقصروش معانا
ونحن عندنا مدرج واحد بإسمنا بسسسس
وطبعا الإدارة والموظفين هما اول وحدين عندهم مكاتب .. والطلبه ما عندهمش جتى مكتبه اكويسه يقروا فيها مكتبتنا فتحوها السمستر هذا وفيها طاوله وحده يدون مبالغه ومش ديما فاتحه ؟؟ والله مرات نقروا برا في الساحات وانقعمزوا عالارض !!؟
والجامعه كل شويا تبنيلي في مقر اجتماعات وقاعة مش عارف شنو والطالب في آخر قائمة الأولويات ونسوا ان الجامعة في الأصل مبنية عشان الطاااااااااااااااااالب

شوفي الموضوع هذا موون

https://itworld.yoo7.com/montada-f1/topic-t6659.htm

شن رايك في طالبة تقنية المعلومات IT 559492

موضوع: e$$ 2010-02-03, 14:42

رأئ طالبات هندسة خلطن علي العلوم ويستر الله

عارف
بجد بجد انصدمت انا توا خشيت نرد علي موضوع لقيت روحي في موضوع ثاني
انا بصراحة مستغربا كيف ؟؟؟؟؟؟؟؟؟؟؟؟
يعني هما طالما قررو يديروا كليه بالاسم هذا مش الاوليه يديرو مكان قبل ؟
وبعدين انتو تخصص يتبع العلوم ولا الهندسه الكهربيه ؟
باهي معلش نبي نسالكم انتو عارفين لما تتخرجو شن تتبعوا ؟
يعني ان شالله ميقعدش تخصصكم في منا معهد عالي بس؟
مش عارفة والله بجد بجد انا زعلانة والله لاني منحبش اي واحد يزعل من حاجة تبع التخصص والقرايه
ربي كريم

tOkyO~E$$~sEOuL كتب:: رأئ طالبات هندسة خلطن علي العلوم ويستر الله

مش عاجبني الموضوع من البداية

اقتباس :: وبعدين انتو تخصص يتبع العلوم ولا الهندسه الكهربيه ؟
باهي معلش نبي نسالكم انتو عارفين لما تتخرجو شن تتبعوا ؟

مهندسة مون ، الحال مش سئ للدرجة هذي

الطلبة قاعدين يقروا ويمتحنوا في قاعات والحمدلله

هن صح مش لنا ... بس الكليات متعاونة معانا لعند ما ايحن علينا ربي وايديرولنا المبنى الي المفروض من زمان امكملينه

يعني في مخطط لمبنى مش مافيش

وبالنسبة نحنا من نتبعوا ، نحنا كلية مستقلة "كلية تقنية المعلومات "

ومش الحاسوب سابقا

لأن الحاسوب توة قعد قسم من اقسامها

يعني جديدة تماما ومستقلة عن باقي الكليات

ورأي في الطلبة

كويسين كلهم مع بعض التحفظات

زي اي كلية ثانية

انا خشيت على الموضوع هذا من قبل
و معجبنيش الموضوع فمبتش انرد...لكن الكلام زاد عن حده
قعدتو تحكو وتزيدو في موضوع هو من البداية فتحته غلط
اخي المحترم ..طلبة الـــ IT طلبة زيهم زي اي طلبة في منهم الكويس
والعادي والشاطر والمتفوق والمتوسط والضعيف...عادي يعني عادي
و عن الكلية ككلية ..انا انشوف ان لها مستقبل كبير لانها اتدرس مواد تعرف بأهميتها
و مكانتها العاليه في باقي دول العالم .... ومستقبل الطالب المتخرج منها مضمون
لان الــIT قعد جانب موجود بقوة ومرغوب بشكل اقوى في جمـــيع المجالات

وبالنسبة لمقر كلية تقنية المعلومات مش اول مشروع يفتح من غير مقــر ...كلية العلوم بنولها مقرها
وقعد امسكر 10 سنين ..والطلبة يقروا في مكان اخرى مش مهيئ 100% لان يكون كلية ....لكن شنو صار
خرجت اساتذة ودكاترة .... وغيرها وغيرها ... "هذا الوضع عندنا " لو تبي اتراجي نين يبنولك مقر معناها يقاعدك
اتراجي....
تحية

معلش انا جدا اسفه لو كلامي معجبكمش
نكرر اعتذاري

كلامك صحيح اختي

وما فيش اي تهجم

امر عادي موضوع انفتح للنقاش

ليش التعصب والتهجم عل الأعضاء

انا رأي في الطلبة بالنسبة للشباب 40 % كويسين وحترمين والباقي حدث ولا حرج

بالنسبة للطالبات انا نعطيهن نسبة 25 % كان مش اقل هذين المحترمات
الباقي كذلك حدث ولا حرج

الكلية مستقبلها تمام
والسلام عليكم

السلام عليكم اخي بريق
بكل صدق وشفايفة انت ظلمت الطلبه بنسبتك هذي
ممكن انت تحكي على قسم العام بس بصدق باقي الاقسام اغلبهم كويسييين بكل والباقي اقل درجة مش "حدث ولا حرج" اسمح لي أي بريق بس هذا الحق وينقال
سلام

انا نحكي عل الطلبة اللي معاي اخي في القسم العام الجدد قصدي

الموضوع كويس بس ماتنسوش ان كل واحد من الطلبة من بيئة وتربية مختلفة يعني من الخطا الحكم بصفة عامة واصابع الايدين مختلفات
عموما نقدرز انقولو بشكل عام الحمد لله ان مازال فينا الخير وربي يستر
وبالنسبة للمقر شئ عادي بالنسبة لكلية جديدة وحال التاخير حالنا دائما ولا يهمكم
بس الحلو بانة كل فترة نمتحنو في مكان تغيير جو يعني
ونصيحة للجميع دائما في اي موضوع انظرو للجانب الاجابي تربحو على قول عزايزنا هههههه حضرة

تحياتي

» -- بدء الأمتحانات بكلية تقنية المعلومات --
» متحف عالم تقنية المعلومات &_$
» منتدى عالم تقنية المعلومات !! huh -_-