المضايقات في كلية العلوم

احترم رأيك بس معليش نبي نقولك شي عشان ملابس البنات ايضايقوهن في اماكنهن

والله هو الموضوع حساس جدا وضروري المناقشة فيه بصراحة وانقولك المعاكسات مش في مكان الحاويات بس في كل مكان تلقيهن يعني بصراحة الجماعة فاضية بكل للدرجة هذي العقلية خلاص قعدت تعبانة
ومن غير تحيز لنقنهن البنات ايديرن في حاجات يعني اينطقن الواحد انا الي بنت مرات انشوف وحدا من شكلها انقول هذي كيف طالعة هكي يابالي الشاب شن حيجي في راسا الا حاجة وحدا
شكرا على اثارتك لهذا الموضوع

حلا كتب:

اشقوا بروحكم سلم عويلتي مالكم ومال التفاهات هذي اللي يبي يعاكس يعاكس واللي يبي يعسل يعسل واللي تبي تلبس علي راحتها مايهمهش حد طز يعني بنغازي شن فيها الا العلوم هي المفروض يديروا مكان للمعاكسه اي حد ىبي ينضحك عليه يخشله

انا قصدي مسيبين الدنيا المنقلبه بره وتفلسفو علي العلوم انا ياخوي نعرف اللي مايدير شي مايجي شي وبس لا نشوخ عليك لا تشوخ عليا :

السلام عليكم
انا طالب فى ها لكلية لى خمس سنين قبل حتى ما تجى تقنية المعلومات
وبنات زمان اكثر حشمة من توا صدقونى ((ما تلوموش الشاب الى يعاكس البنت الكاسية العارية ))وبعدين والله المحترمه صقع على جلد اى شاب انه يتعرضلها لان احترامها يمنع الشاب منها والى فى حالها مايجيها شى ((هذه مش وجهة نظر لا هذه حقيقة زى الشمس مش انا الى قلت هالكلام الشرع الى قاله))وتحياتى لاى بنت فى بنغازى محترمة وانقوللها انت نوارة بنغازى وضيها ولما يفكروا الشباب فى الزواج اكيد انت اول من يتفكر فيها ((مش الى تلبس فى ملابس تعرض فى روحها للناس وفى النهاية شكرا لكم يا it? الاحصااااء

السلام عليكم جميعا

في الحقيقة كنت أنوي كتابة موضوع بهذا الشأن

فنحن للأسف ينقصنا كمجتمع ليبي الوعي الاجتماعي و خاصة الأجيال الجديدة

حيث أصبحت ظاهرة إستغلال الاماكن العامةو التي هي مخصصة لزيادة ثقافتنا و إدراكنا

و بناء شخصيتنا

أصبحت هذه الأماكن تستغل لهدم و ز يادة إنحطاطنا كمجتمع مدني فبدل ان نبني أ صبحنا نهدم كل ما هو قيم و إنساني و أدمي و أصبحنا كالحيوانانت أكثر منا بشرا

بإختصار لقد اخذنا ما كرهنا وجعلناه يصبح جزءا منا

أمل ألا تضايقكم كلماتي و لكن هذا ما عليه الحال و كل من لا يملك شخصية فارغة يدرك هذه الحقيقة و هي أن معظم أبناء و بنات المجتمع الجدد هم غافلون و فارغون بلا هدف نبيل أو إنتماء من أي نوع

السلام عليكم
ممكن نعرف ماذا تقصد بالاماكن العامة يا محترم ((فانا نحكى عالجامعة))والجامعة مش مكان عام بل هى مكان خاص للطلبة ولهم احقية الخصوصية
اما بانسبة للوعى
نحن واعين ومثال ذلك انت وانا وكل من ايفكر فى الصح وانا انشوف ان الحل للمضايقات ساهل
لو ان كل شاب غض بصره شويه بما فيهم انا وكل بنت احتشمت وخافت الله
فى لبسها اكيد تصلح الجامعة ((ويسيبونا الدخلاء فى حالنا الى من برا الجامعة
صار معاى موقف اول امس وانا جاى مالقيتش وين ندرس السيارة ويا ريت غير السيارات كلهن للطلبة لا من برا الجامعة يعنى مضايقات مش للبنات بس حتى الشباب واخذين حقهم))ة

حلا كتب:

انا قصدي مسيبين الدنيا المنقلبه بره وتفلسفو علي العلوم انا ياخوي نعرف اللي مايدير شي مايجي شي وبس لا نشوخ عليك لا تشوخ عليا :

لو سمحت معاش ترد عليا دور حد تاني تمثل عليه

موضوع مهم يستحق النقاش الجاد وإيجاد الحلول

تحياتي

السلام عليكم ورحمة الله وبركاته
بصراحه يالوفر غلبتني كلامك صح 100%

مفش بنت محترمة اتعاكس
واللي ايعاكس بنات الناس ايعاكسو خواتها
كما تدين تدان

كلامك صح يا موني لكن مش عشان نفسيت الشباب تعبانه ايتعبوو نفسيت البنات