من اشعار الاخ الفالح وهو غني عن التعريف وقوله ( بين الغرام نخاير)

بين الغرام نخاير

جفاك شين مستاصل وحبك جاير
بين نتركك بين الغرام نخاير

بين الغرام نجامــــل
ونــزمط سوايا قبل ماني حامل

ونزعل نقول نشطّبه بالكامل
سريب الغـلا وانعدّ ماهو صاير

ولكن ان ريت العاشقه تذامل
وراك م العرب نبقى عليك انكاير

لا اغليت نين اقربت لاني صامل
حايس كما حوسة خبيط الباير

بين الغرام الصافـي
و بين الجفا منك و مانــــي جافي

معاك حالنا يا بوغثيـث مسافي
كيف حالة القزون بين ضراير

توكّب امه ماتت و تـم ارفافي
ايطوله العيب و شي ماهو داير

كي تصير يا ريـدي حياه سعيده
معاك و جفاك الفكر منه حاير

اغليتي و مالك فـي الغرام ضديده
جميله وجبتي م الغزال اموايـر

وزدتي علي وصفه اوصاف عديده
صعيب ذكرهن في كلمتين قراير

يخاف من زطـال بضاعته واكيده
بياع السماحه وين جاكم زايـر

ما ينال غير اتعبــــه و تقلهيده
يعاود و مافتّش حذاك صرايـر

خيالي صرح في القـد والتجعيده
مع خصر خاوي فوق ناتق ثايـر

بين الغرام و قـــــدره
وبين صوب خلفّلي امراض وكـدره

منّه نفيض القلب داخـل صدره
مو ماسكه وسط الكنين ستايـر

وعلي ما نحاول يــا جميله ندرا
فيك للوفا ما جن عليك دبايـر

جميع ما ايهوج أيريض عنده قـدره
وانتي شامخه شمخت غزال عقاير

وكان الحرير ايخلّصــوا مالسدره
غلاي تالفي نزها اندير مطاير

كيف من مرافق شخص ضامن غدره
حتى لو رقد يالاه نومه طاير

بين الغرام او همّــــــه
وبين الجفا و الجرح نازف دمـه

تهاوي انجيك و نحسبـــك مهتمه
نعاود وما منك انصر ثمايـر

مليت من سريب غلاك بايخ تمّا
كل يوم والثاني اتوق بصايــر

ماعد انجيك جديد ضايـق سمه
خذيت قرعتي كان الغرام قهـاير
--------------
نقله لكم ابو جلال

امنوووووووور أخي عبدالله

TeWy-StAr كتب:: امنوووووووور أخي عبدالله

[

b]=======================
شكرا لك من لم تفارقني ودائما في زيارتك تطربني
احبها منك فلا تقطعها ادامك الله اخا عزيزا

ابو جلال[/b]

شكرا علي الشعر الجميل عبد الله وننتظر المزيد من أبداعك المميز معنا

LiByAn LiOn كتب:: شكرا علي الشعر الجميل عبد الله وننتظر المزيد من أبداعك المميز معنا

======================
شكرا لمرورك يالغالي واطلاعك وتعليقك

ويجب لن تعلم ان زيارتك لمواضيعنا شرف

تشرفنا به وزيارة نحبها منك...فلا تبخل علينا

بمثل هذه الاطلالة الغالية

دمت بود

ابو جلال