أنا على خبرك أبد ما تغيرت
الطبع أهو طبعي ونفس المزايا
إلا أنت أشوفك يا حبيبي تبدلت
منتب هذاك اللي يهمه رضايا
ياللاسف كلك بعيني تحولت
وسويت فيني من عذابك سوايا
عقب الوفا والطيب ياظالم أصبحت
خالي عديم أحساس وكلك خطايا
منين مدري هالقساوه تعلمت
وأول تموت بضحكتي ويهنايا
الله حسيبك منك يا ما تألمت
كل ماذكرت أنك حبيبي ومنايا
ياما من أجلك ياعيوني تصيرت
وزودت من بعدك عليه عنايا
أنا مثل مانا أبدا ما تغيرت
إلا أنت أشوفك ما بقابك بقايا
